नागरिकता बनाउन गएकी रामसखि देवी  सिडीओ अफिसबाटै वेपत्ता !

न्यूज ब्यूरो, जनकपुरधाम । नागरिकता बनाउन गएकी एक वृद्धा जिल्ला प्रशासन कार्यालय (सिडिओ अफिस) धनुषाबाटै हराएकी छन् ।

धनुषाको सबैला नगरपालिका १२ रघुनाथपुर टोकी बस्ने ७२ वर्षकी रामसखी देवी जिल्ला प्रशासन कार्यालयबाटै हराएकी परिवारजनले जनाएको छ । नागरिकताको प्रतिलिपी बनाउन आईतवार जिल्ला प्रशासन कार्यालय धनुषामा गएको बेला दिउँसो १२ बजे रामसखी हराएपछि घरपरिवार खोजतलासमा लागेका छन् ।

आमा हराएको विषयमा प्रहरीमा समेत जानकारी गराएको रामसखीकी कान्छो छोरा जोगी मुखियाले बताए । आमा जिल्ला प्रशसनबाटै हराएपछि घरपरिवार चिन्तामा डुबेका छन् ।दृष्टि भ्रम भएर वृद्ध रामसखी बाटो विराएर कत्तै गएको हुन सक्ने अनुमान गरिएको छ । रामसखीको खोजविन गरिरहेको प्रहरीले जनाएको छ ।