महोत्तरी डकैती काण्ड : तिनजनासंग अनुसन्धान सुरु

न्यूज ब्यूरो, महोत्तरी । जिल्लाको भंगहा नगरपालिका वडा नं. ६ निवासी ४६ वर्षिय अर्जुन भुजेलको घरमा शुक्रवार मध्यराती गोली पडकाउदै भएको लुटपाटमा प्रहरीले तिनजनालाई पक्राउ गरि अनुसन्धान सुरु गरेको छ ।

१५ जना जतिको समुहमा भुजेलको घरमा प्रवेश गरि घरधनी सहित परिवारका चार थप चार सदस्यलाई घाईते बनाई करिव ११ लाख वरावरको लुटपाट गरेको आरोपमा आरोपमा प्रहरीले अनुसन्धान सुरु गरेको हो ।

सो लुटपाटमा घरधनी अर्जुन भुजेल सहित उनकी श्रीमती अंजु भुजेल र छोराहरु २४ वर्षिय दिपेन्द्र भुजेर तथा १६ वर्षिय अनित भुजेल र नातेदार झापा मेचिनगर नगरपालिका वडा नं. १ वस्ने ३१ वर्षिय सुमन बुढाथोकी घाईते भएका थिए ।

प्रहरीले बर्दिवास नगरपालिका वडा नं. १३ बिजलपुरा बस्ने वर्ष २८ को अजमल अलि शेष र सोहि ठाउ वस्ने वर्ष २५ को रमेश लामा र वर्ष ३५ को ईसुन घिसिंगलाई जिल्ला अदालत महोत्तरीबाट ५ दिनको म्याद लिई अनुसन्धान सुरु गरेको हो । घटना भएको भोली पल्टै प्रहरीले आशंकाको आधारमा ६ जनालाई नियन्त्रणमा लिएकोमा घाईतेहरुले पहिचान गरेपछि तिनजनासंग सोधपुछलाई निरन्तरता दिएको छ ।

यता, जिल्ला प्रहरी कार्यालय महोत्तरीका प्रवक्त डिएसपी खगेन्द्र वहादुर खड्काले थप आरोपीहरु समेत चाडै पक्राउ पर्ने बताए ।

यस्तो थियो घटना :

महोत्तरीको भंगहा नगरपालिका वडा नं. ६ मा शुक्रवार राती स्थानिय अर्जुन भुजेलको घरमा १५ जना भन्दा वढीको संख्यामा आएका अपरिचित व्यक्तिहरुले डकैती र लुटपाट गरेका थिए । सोहि क्रममा उनीहरुले तिन राउण्ड गोली चलाएको र रातो कपडामा वेरिएको तिन थान सुतली बमको टिना समेत प्रहरीले फेला पारेको थियो । घाईतेहरु मध्ये अर्जुन भुजेलको आँखामा गम्भिर चोट देखिएकोले काठमाडौं रेफर गरिएको छ भने अन्य घाईतेहरु घर फर्केको डिएसपी ख्डकाले बताए ।