धनुषामा प्रजातान्त्रिक विकास सम्बन्धि सार्वजनिक सुनुवाई

न्यूज ब्यूरो, धनुषा । धनुषाको जनकपुर उपमहानगरपालिका वडा नं. १९ बेङ्गाशिवपुरमा समग्र बिकास केन्द्रद्वारा सार्वजनिक सुनुवाई गरिएको छ ।

नागरिक शान्ती स्थापना तथा प्रजातान्त्रिक विकासको लागि सिमान्तकृत सशक्तिकरण अभियानलाई जागरुकताका लागि उक्त कार्यक्रम सम्पन्न गरिएको हो ।

कालो देवी रामको अध्यक्षता एवम् उप महानगरपालिका वडा नं. १९ का वडा अध्यक्ष जगदीश यादवको प्रमुख आतिथ्यमा सम्पन्न उक्त कार्यक्रममा सीमान्तकृत समुदायलाई माथि उकास्ने तथा सरकारको हरेक निकायमा उनीहरुको पहुँच बनाउनको लागि जनचेतनामूलक र सरोकारबालालाई दबाबमूलक कार्यक्रम गरिएको हो ।

कार्यक्रममा वडा सद्स्य राजेन्द्र यादव , मुनर यादव किरन यादव समुन्द्री महराको विशेष अतिथी तथा मेलमिलाप जनकपुर उप महानगरपालिका संयोजक योगेन्द्र यादव, नागरिक सचेतना केन्द्रका संयोजक सोभित महरा, उपमहानगर १९ का १७ ओटा समाजिक परिवार र समग्र बिकास सेवा केन्द्र धनुषा जिल्ला संयोजक सन्तोष सिंह लगायतको उपस्थिति रहेको थियो ।

कार्यक्रममा सहभागीहरुले आ आफनो ठाउँको समस्या तथा गुनासो पोखेका थिए । किरण दासले स्वागत मनतव्य राखेकी थिइन ।