करेन्ट लागेर वडा सदस्यको मृत्यु

न्यूज ब्यूरो, रौतहट । रौतहटको राजदेवी नगरपालिका बाट निर्वाचित एक वडा सदस्यको शुक्रबार मृत्यु भएको छ ।

वडा नं.३ बसतपुरबाट निर्वाचित वडा सदस्य ननिपत राउत बरइको करेन्ट लागेर मृत्यु भएको हो । एका बिहानै खेतमा पानी लगाउन उठेका वडा सदस्य राउत (बरई) ले विधुतीय मोटरको स्विच थिच्दा लागेको करेन्टले राउतको मृत्यु भएको जिल्ला प्रहरी कार्यालय रौतहट गौरले जनाएको छ ।

राजपा पार्टीबाट निर्वाचित राउतको मृत्युले सिंगो पार्टी लाई क्षति भएको बताउदै गौर नगरपालिकाकी उपमेयर किरण ठाकुर मृत्क आत्माको चिर शान्तिको लागि कामना गरेकी छिन् ।

मृत्कको पार्थिव शरिर माथि राजपाको झन्डा ओडाई पार्टीका दर्जनौ नेता कार्यकर्ताहरुले श्रद्घाञ्जली अर्पण समेत गरेका छन् । एक कुशल समाजसेवी र इमानदार नेता गुमाउदा स्थानीय जनता शोकमा छन् ।