आज मधेसमा सार्वजनिक विदा, कैयौँ कार्यालय टेर्दैन प्रदेश सरकारलाई

न्यूज ब्यूरो |
जनकपुरधाम, ६ भदौ । मुस्लिम धर्मावलम्बीहरुको दोस्रो महान चाड बकरईदको अवसरमा मधेस सरकारले आज एक दिने सार्वजनिक विदाको घोषणा गरेको छ ।

गत सोमवार बसेको मन्त्री परिषदको बैठकले बुधबार भदौ ६ गते एक दिनको लागि प्रदेश नं. २ मा सार्वजनिक विदा दिने निर्णय गरेको थियो ।

२०७४ चैत २८ गते प्रदेश राजपत्रमा प्रकाशित सार्वजनिक विदामा मुसलिम समुदायको महत्वपूर्ण पर्व ईद त्रुटिबस छुटेकाले मन्त्री परिषद बैठकबाट विदा दिईएको प्रदेश २ का आन्तरिक मामिला तथा कानुन मन्त्री ज्ञानेन्द्र यादवले जानकारी दिए ।

प्रदेश २ का सरकारले सार्वजनिक विदा घोषणा गरे पनि प्रदेश भित्रैका कतिपय सरकारी कार्यालयमा विदा दिइने गरिएको छैन ।

संघीय सरकार मातहतका कार्यालय ईकाइहरुको रुपमा रहेको अदालत, बैंक तथा वितीय संस्था, धेरै जसो शैक्षिक सँस्थान सहित संघीय प्रहरी इकाई र विद्युत प्राधिकरण लगायतको कार्यालयमा भने प्रदेश सरकरको विदा कार्यान्वयन हुने गरेको छैन ।