.png)
न्यूज ब्यूरो । भारतको उत्तर प्रदेशस्थित फतेहपुरमा मदरसा पढ्ने १३ वर्षीया किशोरीलाई विवाहको प्रलोभन देखाएर करिब एक वर्षदेखि यौन शोषण गरेको आरोपमा एक मौलवी पक्राउ परेका छन् ।
ललौली थाना क्षेत्रको एक गाउँमा रहेको मदरसामा धार्मिक शिक्षा दिँदै आएका अब्दुल समदमाथि किशोरीलाई पटक–पटक यौन शोषण गरेको आरोप लागेको हो । भारतीय सञ्चारमाध्यमका अनुसार उनी फर्रुखाबाद जिल्लाका बन्थल शाहपुर क्षेत्रका बासिन्दा हुन् ।
.png)
प्रहरीका अनुसार अब्दुल समद करिब डेढ वर्षदेखि उक्त मदरसामा पढाउँदै आएका थिए । सोही क्रममा मदरसामा अध्ययनरत किशोरीसँग उनको नजिकको सम्बन्ध बनेको र विवाह गर्ने प्रलोभन देखाएर शोषण गरेको आरोप छ ।
घटना बाहिरिनुको कारण भने किशोरीलाई लिएर फरार हुन खोज्नु बनेको छ । भारतीय सञ्चारमाध्यमका अनुसार आइतबार राति किशोरी घरबाट हराएपछि परिवारले खोजी सुरु गरेको थियो । खोजीका क्रममा मौलवीले किशोरीलाई लिएर मुख्य सडकतर्फ जाँदै गरेको अवस्थामा परिवार तथा स्थानीयले फेला पारेका थिए ।
स्थानीयले घेरा हालेपछि मौलवीले प्रहरीलाई फोन गरेका थिए । त्यसपछि दुवैलाई प्रहरीले नियन्त्रणमा लिएर सोधपुछ गरेको थियो ।
प्रहरीसमक्ष किशोरीले मदरसा तथा मस्जिदमा बोलाएर आफूलाई पटक–पटक यौन शोषण गरेको र विवाह गर्ने आश्वासन दिएको बयान दिएको बताइएको छ ।
प्रहरीले सुरुमा अपहरणसम्बन्धी मुद्दा दर्ता गरेको थियो । किशोरीको बयानपछि घटनामा यौन अपराधसम्बन्धी थप कानुनी व्यवस्था समेटिएको जनाइएको छ ।
प्रहरीले आरोपी अब्दुल समदलाई पक्राउ गरी अदालतमार्फत कारबाही अघि बढाएको छ । किशोरीको स्वास्थ्य परीक्षणसमेत गरिएको भारतीय सञ्चारमाध्यमले जनाएका छन् ।
घटनाबारे प्रहरीले थप अनुसन्धान गरिरहेको छ ।
अधिकृत यादवले जाली साइन गरेको खुलासा, एउटै पालिकामा दुई अधिकृत ?
- २०८३ भदौ १२ शुक्रबार
न्यूज ब्यूरो, जलेश्वर । प्रदेश नम्बर २ को महोत्तरी जिल्लास्थित एक स्थानीय तहका प्रमुख प्रशासकीय अधिकृतले जाली कागजात खडा गरेको पाइएको छ । महोतरी जिल्लाको सम्सी गाउँपालिकाका प्रशासकीय अधिकृत संजय बाबु
पूरा पढ्नुहोस्
