जनकपुरमा एक व्यापारी आफ्नै पसलमा मृत फेला

न्यूज ब्यूरो, जनकपुरधाम । जनकपुरमा एक व्यापारी आफ्नै पसलमा मृत फेला परेका छन् । मँगलबार साँझ जनकपुरधाम उपमहानगरपालिका वडा नं. ८ रामानन्दचोकस्थित रहेको एक पसलमा मृत अवस्थामा फेला परेका हुन् ।

मृत्यू हुनेमा रामानन्दचोकस्थितका स्थानीय व्यापारी दिनेश साह रहेका छन् । साँझ ६ः०० बजेको समयमा उनी आफ्नै पसलमा मृत फेला परेको हो । ४५ बर्षिय दिनेश साह आर्थिक मन्दीको चपेटामा रहेको स्थानीय व्यापारीहरुको भनाई छ ।

घटनाबारे जिल्ला प्रहरी कार्यालय धनुषाले अनुसन्धान सुरु गरेको छ ।