धनुषाको शहिदनगरमा लाउडस्पीकर र अश्लिल गीत नबजाउन प्रहरीलाई युवाहरुको ज्ञापन

न्यूज ब्यूरो, जनकपुरधाम । धनुषाको शहिदनगर नगरपालिकाभित्र अश्लिल गीत प्रतिबन्ध गर्न युवाहरुले आग्रह गरेका छन् ।

आईतबार ईलाका प्रशासन कार्यालय यदुकूहा पुगेर शहिदनगर युवा मँचका युवाहरुले अश्लिल गीत नबजाउन तथा ध्वनी प्रदुषण रोक्नको लागि प्रशासन गुहारेका छन् ।

शहदनगर नगरपालिकाभित्र तिहार र छठमा चर्को साउण्डमा लाडस्पीकर नबजाउन, साउण्डमा अश्लिल गीत नबजाउन तथा तिहार र छठमा सुरक्षा कडा पारिदिन आग्रह गरेका छन् ।

मँचका अगुवा लालबाबु मण्डलको अगुवाईमा गएका इन्जिनियर नरेश यादव , राकेश यादव , अन्मोल भणडारी , झगरु यादव लगायत मँचका टोलीले ईलाका प्रशासन कार्यालय यदकुूहाका प्रमुखलाई ज्ञापन पत्र बुझाएको हो ।