धनुषाको विदेह ४ मा तिहारमै अँध्यारो, वडाध्यक्ष प्रमाणी खोज्दै वडावासी

न्यूज ब्यूरो, जनकपुरधाम । धनुषाको विदेह नगरपालिकाको वडा नं. ४ तिहारमा यसपाली अँध्यारो रहेको छ । अघिल्ला बर्ष जगमग बनेको वडा नं. ४ मा यसपाली अँध्यारोपन भएको छ ।

वडाध्यक्ष वाजिव प्रमाणीले तिहारमा समेत ध्यान नदिएपछि हाई मास्क लाईट, पोल लाईट बल्न छाडेको छ । तिहारको समयमा समेत लाईटहरु नचलेपछि वडावासीमा आक्रोस छ ।

वडा नं. ४ कार्यालय अगाडी समेत लगाइएको हाई मास्क लाईट महिनौँदेखि बिग्रिएको छ । स्थानीय मनिष साहका अनुसार, महिनौदेखि बिग्रीएको बत्तिहरु मर्मत नगरिदिँदा यसपाली तिहार र छठमा गाउँमा झिलिमिली नहुने बताए ।