धनुषामा आफ्नै घरमा करेन्ट लागेर एक जनाको मृत्यू, पढाएर गर्दै थिए गुजारा 

न्यूज ब्यूरो, जनकपुरधाम । जनकपुरमा दुर्घटनामा परेर अस्पतालकै सैयामा रहेकी जनकपुरधाम उपमहानगरपालिका वडा नं. १ बस्ने ५२ बर्षिय सोनावति देवी सदालाई अस्पतालमै मार्नको लागि प्रपँच रहेको खुलासा भएको छ । 

दुर्घटनामा परी बाँचेकी विरामीलाई उपचारमा धेरै खर्च हुने र मरेपछि मात्र ५ लाख रुपैयाँ तिर्नुपर्ने कानुनलाई मध्यनजर गर्दै जनकपुरका एक व्यक्तिले ठक्कर दिएकी सोनावति सदालाई अस्पतालमै मार्ने योजना बनाएपनि विफल हुँदा अस्पतालको अधुरो रिपोर्ट देखाएर विभिन्न सँचारमाध्यममा अस्पताललाई बदनाम गर्न खोजेको आरोप लगाइएको छ । 

जनकपुरधामस्थित सँचालनमा रहेको दरभँगा सिटि स्क्यानका सँचालक केदार यादवले सो दाबी गरेका छन् । 

सोनाबतिलाई मारेर मात्र  ५ लाख तिर्ने दाउमा थिए महेश यादव ?
गत भदौ २८ गते जनकपुरमै सवारी दुर्घटनामा परिन जनकपुरकी सोनाबति देवी सदा । उनलाई ठक्कर दिने आफूलाई सोनाबति (विरामी) पक्षको दाबी गर्ने ईन्जिनीयर महेश यादवका आफन्त थिए । मोटरसाईकलले ठक्कर दिएकी सोनाबत्ति सदा गम्भिर घाईते भईन् । उनलाई उपचारको लागि तत्कालै जनकपुरको न्यूरो हस्पिटल लग्यो । महेशलाई सोनाबतिको अवस्थाको बारेमा हस्प्टिल पक्षले काउन्सेलिँग गर्यो । 
अस्पताल पक्षले भन्यो, “विरामीको अवस्था एकदम क्रिटिकल छ, हामीले प्रयास गरिदिने हो । बच्छ वा बच्दैन त्यसको ग्यारेन्टी लिन सक्ने अवस्था छैन् । तपाई चाहनुहुन्छ भने हामी अगाडीको प्रक्रिया बढाउँछौँ”
अस्पताल पक्ष र ठक्कर दिने पक्ष (थर्ड पार्टी) ईन्जिनीयर महेश यादव र उनका बुवासँग भएको काउन्सेलिँगको भिडियो प्रमाणः 

विरामीको अवस्था देखेपछि न्यूरो सर्जन डा. आलोक झाले इमरजेन्सीका विरामीलाई गरिने प्राथमिक फिल्म इमेजले उनको टाउकोमा रगत जमेको र शल्यक्रिया गरेर निकाल्नुपर्ने बताएपछि महेश यादवकै सहमतिमा अप्रेशन गरियो । त्यतिबेलासम्म महेश यादवले आफू सोनाबति सदा पक्षको भएको दाबी गर्दै आएका थिए । 

फिल्म इमेजको आधारमा अप्रेशन गरिसक्दा सोनाबतिको स्वास्थ्य अवस्थामा सुधार आउन थालेको न्यूरो हस्पिटलका चिकित्सकलाई उदृत गदैै दरभँगा सिटी स्क्यानका सँचालक केदार यादवले बताए । सोनावतिको स्वास्थ्य अवस्थामा सुधार आएको पुष्टि हस्पिटलले समेत गरेका छन् । 

उपचारमा अधिक खर्च हुन जाने, लामो समयसम्म उपचार खर्च तिर्नुपर्ने अवस्थालाई मध्यनजर गरी ईन्जिनीयर महेश यादवले सोनाबतिलाई आफू एक्सपोज नभई जसरी पनि मरोस भनेर दाउमा लागिपरे ।को आरोप यादवमाथि लगाइएको छ ।

सुरुमा उनले अप्रेशन समेत गर्न मानेका थिएनन् । तर, विरामी पक्षका केही व्यक्तिहरुले यही अप्रेशन गराउने अडान लिएपछि महेश यादवले दाउ फेल भएको महसुस गरे । त्यतिबेलासम्म सोनाबतिको परिवारलाई महेशले विरामी बाँचेपनि मरेजस्तै हुने र मरेपछि ५ लाख पाउने भनेर प्रलोभन दिसकेका थिए । उपचारमै सबै खर्च भएपछि तिमिहरुले केही पाउँदैन भनेर सोनाबतिको परिवारसँग महेश यादवले काउन्सेलिँग गरिरहेका थिए । 

त्यतिबेला सोही अस्पतालमा रहेका दरभँगा सिटी स्क्यानका सँचालक केदार यादवलाई महेश यादवले भेटे । केदारसँग महेशको पुरानो मित्रता थियो । केदारसँग पनि महेशले कुराकानी गर्दा विरामी सोनाबतिलाई मार्ने योजना बुनिरहेको महसुस गरे । उनले महेशलाई पटक पटक सम्झाएपनि उनले आफ्नो जिद्दमा अडिग रहेको आरोप छ ।

महेशले सुरुमा केदारलाई सिटी स्क्यानको रिपोर्ट पठाउन लगाए । डाक्टरले दिएको रिपोर्ट (रअ) फाईल नै महेशलाई मित्रताको हैसियतले पठाईदिए । त्यतिबेलासम्म फाईनल रिपोर्ट, लेटरहेड र चिकित्सिकको साईन भएको रिपोर्ट उनले पठाएनन् । केदारले भने ।

सोही क्रममा न्यूरो हस्पिटललाई लक्षित पारेका एक व्यक्तिलाई सिटी स्क्यान नजिकै लुकिछिपी बसेको देखेपछि केदारले आफू र जनकपुर न्यूरो हस्पिटललाई बदनाम गर्ने षडयन्त्र सुरु भएको महसुस गरे । 

विरामी सोनाबति देवीको अवस्थामा सुधार हुन थालेपछि आत्तिएका महेश यादवले आफूखुसी अस्पतालबाट बाहिर निकालेको अस्पतालको दाबी छ । अस्पतालले विरामीको अवस्थामा सुधार भएको सबै सबुत प्रमाण, भिडियोहरु सुरक्षित राखेको दाबी गरेको छ । विरामीको अवस्थामा सुधार आएको, बोलेको, आँखा खोलेको, कुरा गर्न खोजेकोसहितको भिडियो न्यूज ब्यूरोले प्राप्त गरेका छन् । 

आरोपित महेश यादवले भने हस्पिटलमा कुनै सुधार नभएको र अधिक चार्ज गरेपछि आफूले रिपोर्ट मागेको दाबी गरेका छन् । उनले न्यूरोमा अनावश्यक अप्रेशन गर्न खोजेको भान भएपछि बाहिर लैजान प्रक्रिया मिलाउँदा रिफर गर्न नमानेको दाबी गरे । 

दरभँगा सिटी स्क्यानका सँचालक केदार यादवले सोनाबतिको रिपोर्ट ११ दिनपछि मात्रै दिएको बताए । चिकित्सकको हस्ताक्षर नै नभएको रिपोर्ट दिएपछि बाहिर लैजाने प्रक्रियामा जानीबुझी बाधा दिएको आरोप लगाए ।

 यादवका अनुसार जनकपुर न्यूरोको रिपोर्ट अनुसार टाउकोमा सात एमएम रगत जमेको थियो । शल्यक्रिया गरेर हटाएको र सो वापत साढे पाँच लाख रकम पनि लिएको छ । तर, सात दिनपछि काठमाडौँको केएमसीमा गरेको सिटी स्क्यानको रिपोर्टमा साढे सात एमएम रगत अझै देखाएपछि जनकपुर न्यूरो हस्पिटलले ठगेको महेशको गुनासो छ ।

केएमसीमा लगेपछि त्यहाँका चिकित्सकले जनकपुर न्यूरोको रिपोर्ट मागेका थिए । हामीले सुरुदेखि नै सिटी स्क्यानको रिपोर्ट मागेका थियौं । तर न्यूरोका चिकित्सकले फिल्म रिपोर्ट मात्रै दिएका थिए । रिपोर्टका लागि बारम्बार ताकेदा गरेपछि दरभंगा सिटी स्क्यानका सञ्चालक केदार यादवले ११ दिनपछि ह्वाटसअपमा रिपोर्ट पठाएका थिए । तर, उक्त रिपोर्टमा चिकित्सकको हस्ताक्षर छैन् । र, शल्यक्रिया भएको सात दिनपछिको मितिको सिटी स्क्यान गरेको रिपोर्ट दिएको दावी गरे ।