धनुषाको औरही खोला पूलको साइड भाँसियो, भारी सवारी प्रतिबन्ध

न्यूज ब्यूरो, जनकपुरधाम । धनुषाको औरही खोलामा रहेको औरही खोला पूलको माटो भाँसिएपछि भारी सवारी साधन बन्द गरिएको छ ।

धनुषाको क्षीरेश्वरनाथ नगरपालिका वडा नं. ६ महेन्द्रनगर एभरेष्ट पेपर मिलदेखि शान्तीपुर जाने बाटोमा रहेको औरही खोला पूल चढने बाटोको माटो भाँसिएपछि भारी सवारी नलैजान आग्रह गरिएको छ ।

माटो भाँसिएपछि थप भासिन सक्ने तथा हुन सक्ने सम्भावित दुर्घटनालाई मध्यनजर गरी भारी सवारी साधन नचलाउन स्थानीयहरुले आग्रह गरेको छ ।

अहिले सो पुलमा मर्मतको कार्य स्थानीय अगुवा युवाहरुले सुरु गरेको युवा अगुवा अजय कुमार राउतले जानकारी दिए ।