नदीमा नुहाउन गएकी बालिकाको मृत्यू, नेपाली सेनाले खोजे शव

न्यूज ब्यूरो, रौतहट । रौतहटमा नदीमा नुहाउन गएकी एक बालिकाको नदीमा डुबेर मृत्यू भएको छ । शनिबार जितियको नहायखायमा नुहाउन गएकी बालिकाको मृत्यू भएको हो ।

जितिया पर्वको (नहायखाय) को लागि आमासँगै नदीमा नुहाउन गएकी गौर नगरपालिका वडा नं. ६ निवासी बैजु साहकी १० वर्षीया छोरी करिश्मा साह मृत अवस्थामा भेटिएकि छन् ।

गौर-६ स्थित लालबकैया खोलामा नुहाउन गएकी करिश्मा डुबेर बेपत्ता भएकी थिइन् । बेपत्तापछि नेपाली सेनाले जानकारी प्राप्त गरे लगत्तै उनको शव पुरेनवा स्थित नारायणदल गणबाट खटिएको उद्धार टोलीले अन्य सुरक्षा निकायको सहयोगमा मृत अवस्थामा फेला पारी प्रहरीलाई बुझाएको हो ।

मृतकको शव पोष्टमार्टमको लागि गौर अस्पताल लगिएको छ ।