लागूऔषध सहित एक जना व्यक्ति पक्राउ

न्यूज ब्यूरो, सिरहा । सिरहामा प्रहरीले एक जनालाई लागुऔषधसहित पक्राउ गरेको छ ।

सिरहा जिल्लाको गोलबजार नगरपालिका–७ पुरानो चोहर्वा निवासी ३० वर्षीय रबिन मुखियालाई लागूऔषधसहित पक्राउ गरिएको छ।

प्राप्त गोप्य सूचनाका आधारमा इलाका प्रहरी कार्यालय गोलबजारबाट खटिएको प्रहरी टोलीले बुधबार साँझ करिब ९ः३० बजे मुखियाको घरमा खानतलासी गर्दा सुत्ने कोठाको खाटमुनी जुटको बोरामा कालो प्लास्टिकमा बेरिएको अवस्थामा लागूऔषध (खैरो हिरोइन जस्तो देखिने पदार्थ) फेला पारेको हो। प्लास्टिकसहित उक्त पदार्थको तौल १ ग्राम ८५० मिलिग्राम रहेको र प्लास्टिक हटाएर तौल गर्दा ८०० मिलिग्राम रहेको प्रहरीले जनाएको छ।

पक्राउ परेका रबिन मुखियालाई उक्त लागूऔषधसहित नियन्त्रणमा लिई इलाका प्रहरी कार्यालय गोलबजारमा ल्याइएको र प्रारम्भिक अनुसन्धानपछि उनलाई मिति २०८२ साउन ८ गते जिल्ला अदालत सिरहामा पेश गरी ५ दिनको म्याद लिइ थप अनुसन्धान अघि बढाइएको प्रहरीले जानकारी दिएको छ।

यस सम्बन्धमा इलाका प्रहरी कार्यालय गोलबजारबाट थप अनुसन्धान कार्य जारी रहेको छ।