धनुषाधामका वडाध्यक्ष लामाले गरे ५ किलोमिटर कालोपत्रे सडकको भूमी पूजन, जनता हर्षित

न्यूज ब्यूरो, जनकपुरधाम । धनुषाधाम नगरपालिका वडा नं. ६ का वडाध्यक्ष ऋषिकेश लामाले आफ्नो वडाको लागि कालोपत्रे (पिच) सडक बनाउने भएको छ ।

पूर्वपश्चिम राजमार्गदेखि ५ किलोमिटरको कालोपत्रे सडक बनाउन सोमबार एक समारोहबीच भूमी पूजन गरेका छन् । वडाध्यक्ष लामाले महेन्द्रराजमार्गदेखि धनुषाधाम नगरपालिका वडा नं. ५ पर्वतासम्म ५ किलोमिटर दुरीको कालोपत्रे सकड बनाउन लागेका हुन् ।

धनुषाधाम नगरपालिका वडा न्ं. ६ को हरिपुर मालटोल महेन्द्र राजमार्ग देखि ५ किलो मिटर दक्षिण वडा नं. ५ को पर्वताको सिम्मा सम्मको कालोपत्रेको लागि काम छिट्टै सुरु हुने वडाध्यक्ष लामाले बताए ।

सो क्षेत्रमा सहायक सडक समेत कालोपत्रे हुने भएपछि ५ किलोमिटरका मात्र नभई सो क्षेत्रबाट राजमार्ग छिर्ने जनताहरु खुसी व्यक्त गरेका छन् । सोमबार भूमिपूजन गर्दै वडाध्यक्ष लामाले धनुषाधाम नगरपालिकाभित्रको यो कालोपत्रे सडक यहाँका स्थानीयहरुको लागि विकास सुविधाको एक नमुना हुने बताए ।

धनुषाधाम नगर पालिका वडा नम्बर ६ को महेन्द्र राजमार्ग मालटोल देखी हरिपुर प्रवता हुदै भुतही पटर्वा– पुरन्दाहा सम्मको सडक कालो पत्रे निर्माण कार्यको "भुमि पुजन गरिएको हो ।

पहिलो चरणमा धनुषाधाम ५ पर्वतासम्म कालोपत्रे हुनेछ भने दोस्रो चरणमा भूतही पटेर्वा हुँदै पुरनदाहासम्म जनकपुरधाम–धनुषाधाम सडकसम्म निर्माण गरिने छ ।

टेन्डर लिएका नेशा कन्स्ट्रक्सनका सँचालक, जनप्रतिनीधि, समाजसेवीहरुको रोहबरमा भूमि पूजन गरिएको हो ।