जसपाकी नेतृ यादवले बिहेमा बन्दुक चलाएको भिडियो भाईरल, खेलौना रहेको भन्दै खण्डन

न्यूज ब्यूरो, राजविराज । जनता समाजवादी पार्टी (जसपा) नेपालकी एक नेतृले विहेमा बन्दुक चलाएपछि आलोचना भएको छ ।

बिहेको एक कार्यक्रममा रँगदारी गीतमा (असली वा नक्कली) बन्दुक लिएर आतिसवाजी गरेपछि समाजिक सँजालमा अहिले उनको चर्को आलोचना भएको छ । समाजिक सँजाल फेसबुकमा उनले फायरिँग गरेको भिडियो भाइरल बनेको छ ।

पूर्वमन्त्री मृगेन्द्र सिंह यादवकी छोरी समेत रहेकी जसपा नेपालकी केन्द्रीय सदस्य डा. बबी सिंह यादवले आफ्नो हातमा बन्दुक लिएर फायरिँग गरेको देखिएको छ ।

यादवले नाचगानमा पेस्तोलबाट फायरिङ गरेको भिडियो अहिले सामाजिक सञ्जालमा भाइरल भइरहेको छ ।

भिडियो भाईरल बनेपछि बबि सिँहले त्यसलाई खेलौना पेस्तोल भएको भन्दै अतिरञ्जित नबनाउन आग्रह गरेकी छन् । समाजिक सँजालमा उनले एक खेलौना बन्दुकको फोटो हाल्दै खेलौना भएको प्रतिक्रिया दिएकी छन् । उनले राखेको फोटोमा रेन्जर टाय गन लेखिएको छ ।

यद्यपी, भिडियोमा देखिएको बन्दुकको नालीको साईज र फोटोमा देखिएको नालीको साईज फरक देखिएको तथा रेन्जर टाय गनमा धुँवा नफाल्ने भन्दै विरोध भएको छ । नेतृ बबि यादवले चलाएको पेस्तोलबाट फायरिँगको बेला धुँवा निस्केको देखिएको छ भने उनी डराएको समेत देखिएको छ । यद्यपी, उनको हातमा रहेको बन्दुक असली वा नक्कली भने यकिन गरिएको छैन् । बबि यादवले यो नक्कली रहेको दाबी गरेकी छन् ।