धनुषामा कक्षा १२ को परीक्षा कर्मचारीले लिने, सरकारी कर्मचारी खटनेछ गार्डमा

न्यूज ब्यूरो, जनकपुरधाम । पर्सी विहिबारदे्खि सुरु हुने कक्षा १२ को परीक्षा सरकारी कर्मचारीले लिने भएको छ ।

शिक्षकहरु आन्दोलनमा रहेको बेला राष्ट्रिय परीक्षा बोर्डले तोकिएकै मितिमा कक्षा १२ को परीक्षा हुने निर्णय गरेपछि जिल्ला प्रशासन कार्यालय धनुषाले विभिन्न विद्यालयबाट कर्मचारीको विवरण माग गरेको छ ।

जिल्ला प्रशासन कार्यालय धनुषाले एक सूचना जारी गर्दै परीक्षा सँचालनको लागि विभिन्न केन्द्रमा आवश्यक कर्मचारी परिचालन गर्नको लागि के कति कर्मचारी आवश्यकता रहेको बारे जानकारी गराउन माग गरेको हो ।

शिक्षकहरु विभिन्न माग राखी आन्दोलनमा रहेको बेला राष्ट्रिय परीक्षा बोर्डले सो परीक्षा सँचालन गर्ने अडान राखेपछि केन्द्राध्यक्ष, नीरिक्षकहरु शिक्षक नभएर सरकारी कर्मचारी खटाउने व्यवस्था मिलाउन लागिएको हो ।