मधेश प्रदेशका पूर्व प्रदेश प्रमुख राजेश अहिराजमाथि महिला दुरव्यहार आरोपमा छानबिन

ब्यूरो, जनकपुरधाम । मधेश प्रदेशको पूर्वप्रदेश प्रमुख राजेश अहिराजमाथि महिलालाई दुव्र्यवहार गरेको आरोप लागेको छ । सो आरोपमाथि प्रहरीले अनुसन्धान अघि बढाएको छ ।

जिल्ला प्रहरी परिसर भद्रकाली काठमाडौंमा रहेको महिला सेलले उनीमाथि अनुसन्धान अघि बढाएको हो । परिसरका एसपी तथा प्रवक्ता अपीलराज बोहराले अहिराजमाथि अनुसन्धान भइरहेको पुष्टि गरे ।

अनुसन्धानको विषय भएकाले थप बोल्ने अवस्था नरहेको बताउँदै बोहराले छानबिन भईरहेको बताए ।

अहिराजमाथि महिलालाई दुव्र्यहावर भनिए पनि कस्तो दुव्र्यवहार हो र कहिलेको घटना हो भन्नेबारे प्रहरीले केही खुलाएको छैन ।

एक महिलाले उनीमाथि दुरव्यवहारको आरोप लगाएको हो । प्रहरीले अहिराजमाथि अनुसन्धानको लागि पक्राउ पूर्जी समेत जारी गरेको हो ।