मधेश प्रदेशका सभामुख मण्डलकै क्षेत्र सीमाको जलाद खोला पुल ९ बर्षदेखि अलपत्र

न्यूज ब्यूरो, जनकपुरधाम । मधेश प्रदेशका सभामुख रामचन्द्र मण्डलको क्षेत्र निर्वाचन क्षेत्र सीमा रहेको महेन्द्रनगर–ईच्छापुर परिक्रममा सडकको जलाद पुल बर्षौदेखि अलपत्र अवस्थामा छ ।

१५ दिने माध्यमिकी परिक्रममाको धार्मिक लस्कर जाने परिक्रममा सडकमा पर्ने क्षीरेश्वरनाथ नगरपालिका वडा नं. ८ र वडा नं. ९ जोडने जलाद खोलाको पुल बर्षौदेखि अलपत्र हुँदा आम जनतालाई सास्ती भोग्नुपरेको छ ।

मधेश प्रदेशका सभामुख एवम् धनुषा निर्वाचन क्षेत्र नम्बर १ का (ख) बाट विद्यायक समेत रहेका रामचन्द्र मण्डल र धनुषा निर्वाचन क्षेत्र नम्बर ४ (ख) बाट निर्वाचित विद्यायक हरिनारायण महतोको सीमा पर्ने सो पुल अलपत्र हुँदा व्यापार समेत प्रभावित बनेको छ ।

ठेक्का नम्बर TRIPJJRIP/337320/073/074/03 महेन्द्रनगर देखि ऐतिहासिक धर्मस्थल धनुषाधाम जाने परिक्रममा सडकको सो पुल निर्माणको लागि विगत ९ बर्षदेखि प्रयास भईरहेको छ । ९ बर्षदेखि सो पुल बन्न सकेको छैनन् । ९ बर्षभन्दा अधिक भएपनि पुल अहिले निर्माणधीन अवस्थामै रहेको छ ।

विभिन्न समयमा धनुषाको सिडिओ, एसपी, मन्त्री साँसद र स्थानीयहरुबीच पटक पटक सम्झौता भएपनि कार्यन्वन हुन सकेको छैनन् । पुल पर्ने स्थान पूर्व मन्त्री एवम् वर्तमान रघुवीर महासेठ तथा धनुषा निर्वाचन क्षेत्र नं. १ का प्रतिनीधिसभा सदस्य दिपक कार्कीको सँयुक्त सीमा क्षेत्र पर्दछ ।

केही दिन अगाडी मात्र मधेश प्रदेशका सभामुख रामचन्द्र मण्डलले क्षीरेश्वर ९ मा सानो सडकको शिलान्यास गर्न सोही बाटो भएर पुगेका थिए । मधेश सरकारले समेत सो पुल बनाउन दबाब दिन सकेका छैनन् ।

सम्झौतामा २०८१ भदौसम्म पुल निर्माण कार्य सुचारु नभए ठेकेदार फेर्ने सम्झौता भएको थियो । तर, एमालेकै मन्त्री नेताहरुको संरक्षणमा ठेकेदारले सो पुलको रकम निकासा गरेपनि पुल भने बनाउन सकेका छैनन् ।