प्रधानमन्त्री ओलीसँग प्रदेश सरकारलाई अधिकार दिन नेताहरुको बिन्ती

न्यूज ब्यूरो, जनकपुधाम । गुगल एजुकेटर ग्रुप (GEG) जनकपुर को आधिकारिक शुभारम्भ मोनास्टिक स्कूल/कलेज मा सम्पन्न भएको छ । यो नेपालमा दोस्रो न्भ्न् अध्याय हो र यो पहलले शिक्षामा डिजिटल परिवर्तनको दिशा थप बलियो बनाउँने विश्वास लिइएको छ ।

GEG जनकपुर सोनु कुमार को नेतृत्वमा गठन भएको यो अध्याय नेपालका शिक्षकहरूलाई गुगलका नवीनतम उपकरणहरू प्रयोग गर्न सशक्त बनाउने लक्ष्य राखिएको छ भने उनको नेतृत्वले जनकपुरधाम र आसपासका क्षेत्रका शिक्षकहरूको लागि एक नयाँ युगको शुरुआत गर्ने अपेक्षा गरिएको छ ।

यस हाइब्रिड शुभारम्भ कार्यक्रममा गुगल इन्डियाकि सोनिया मेहरा अग्रवाल, GEG काठमाण्डुका नेता सागुन ढुङ्गाना, गुगल प्रमाणित शिक्षक ज्युडी किम, शिक्षक, पाठ्यक्रम डिजाइनर सुनील कुमार घर्ती, शिक्षा परामर्शदाता निलाद्री परिआल लगायत उत्साही शिक्षक र एडटेक लीडरहरूको उपस्थिती रहेको थियो भने उनिहरुले शिक्षामा डिजिटल सशक्तिकरणका लागि आफ्ना विचार र अनुभवहरू साझा गरेका थिए ।

GEG जनकपुरको उद्देश्य भनेको शिक्षकहरूलाई गुगलका विभिन्न शैक्षिक उपकरण जस्तै गुगल क्लासरूम, गुगल मिट, गुगल डॉक्स, र अन्य उपकरणहरूको प्रयोगमा दक्ष बनाउनु हो। यसले शिक्षामा नवाचार र सिर्जनशीलता ल्याउने विश्वास गरिएको छ ।

GEG जनकपुरले शिक्षकहरूलाई एकीकृत गर्न र डिजिटल शिक्षा प्रविधिहरूको प्रयोग गरेर विद्यालय र कक्षामा सुधार ल्याउनका लागि तालिम र सहयोगको अवसर प्रदान गर्ने योजना बनाएको छ ।
GEG जनकपुरले आगामी दिनहरूमा विभिन्न प्रशिक्षण कार्यक्रमहरू, कार्यशालाहरू र नेटवर्किङ अवसरहरू आयोजना गर्ने योजना बनाएको छ, जसले शिक्षामा डिजिटल प्रविधिहरूको प्रभावकारी उपयोग गर्न मद्दत पु¥याउनेछ । यसको उद्घाटनले नेपालका शिक्षकहरूको लागि नयाँ सम्भावनाका ढोका खोल्ने र शिक्षामा डिजिटल परिवर्तनको यात्रा शुरु गर्ने महत्वपूर्ण कदमको रूपमा कार्य गर्ने विश्वास गरिएको छ।

यसका सबै सदस्य र सहभागीहरूलाई एकजुट गरेर, शिक्षकहरूले आपसमा सहयोग गरेर शिक्षाको क्षेत्रमा सकारात्मक परिवर्तन ल्याउने उद्देश्य राखेका छन्। यस प्रयासले नेपालका विभिन्न भागका शिक्षकहरूको डिजिटल शिक्षा र नवाचारको स्तरलाई सुधार गर्नेमा महत्वपूर्ण भूमिका खेल्नेछ।