जनकपुरः बसले ठक्कर दिँदा साईकल यात्रीको घटनास्थलमै मृत्यू !

न्यूज ब्यूरो, जनकपुरधाम । जनकपुरमा साईकल यात्रीलाई यात्रुवाहक बसले ठक्कर दिँदा घटनास्थलमै ज्यान गएको छ ।

जनकपुरबाट लक्ष्मीनियाँ जाने ६ लेनको सडकखण्ड अन्तर्गत साँझ करिब ७ः१५ बजेको समयमा जनकपुरबाट काठमान्डौँको लागि खुलेको बसले बाटो काटदै गरेको साईकल यात्रीलाई ठक्कर दिएको थियो ।

जनकपुरबाट काठमान्डौँको लागि खुलेको बागमति प्रदेश ०३–००१ ख ३४४१ नम्बरको बसले ठक्कर दिँदा लक्ष्मीनियाँ गाउँपालिका वडा नम्बर १ सिनुरजोडा बस्ने स्थानीय ७० बर्षिय रबिन्द्र मण्डलको मृत्यू भएको जिल्ला प्रहरी कार्यालय धनुषाका प्रहरी प्रवक्ता बरुण बहादुर सिँहले जानकारी दिए ।

६ लेन सडकमा बाबाको ढाबा होटल अगाडी दुर्घटना भएको प्रहरीले जनाएको छ । अहिले बस चालक र बस प्रहरीको नियन्त्रणमा रहेको छ ।