दलितको नाम भँजाएर मेरो चरित्र हत्या गर्यो, म उनीहरुविरुद्ध अदालत जान्छुः गाँपा अध्यक्ष यादव

न्यूज ब्यूरो, सिरहा । सिरहा जिल्लाको औरही गाउँपालिकाका अध्यक्ष शिवजी यादवले दलितको नाउँमा आफूलाई बदनाम गर्ने प्रयास गरिएको भन्दै न्यायकोलागि अदालत जाने चेतावनी दिएका छन् ।

औरही गाउँपालिका–५ स्थित दिपक मल्लिक (डोम) लाई विस्थापित गराएको र उनको घर रहेको ठाउको माटो समेत खनेर हटाएको भन्दै संघीय संसद देखि प्रदेश संसद सम्म बिहीबार अवाज उठाइएको भन्दै अध्यक्ष यादवले यस्तो चेतावनी दिएका छन् ।

अध्यक्ष यादवले बिहीबार औरहीमा आयोजना गरेको पत्रकार सम्मेलनमा आफूले दीपकलाई विस्थापित नभई व्यवस्थापन गरेको दावी गरे । उनले भने–‘दीपकलाई आज नभोली त्यो ठाउँबाट आफ्नो घर हटाउनुनै पर्ने थियो किन भने त्यहाँ कृषि बजारको सवै तयारी भई सकेको छ । हामीले गरिव कहाँ जान्छ, यहाँ जन्मियो, हुर्कियो, स–साना बालबालिका छ यो ठाउँबाट त्यो ठाउँमा घर बनाई दिएको छु ।’

गत फागुन ११ गते गाउँपालिका र दीपक मल्लिक बिच घर जग्गाको बिषयमा सहमति समेत भएको छ । उनले आफू खुशी आफ्नो घर रहेको जग्गाको सट्टा गाउँपालिकाले दिएको जग्गा लिने सम्झौता गरेका छन् । दीपकको पहिलेको घर पनि ऐलानी जग्गामै थियो । अध्यक्ष यादवले भने–‘डोमै हो त के भयो हाम्रै समाजको हो हामी उनलाई यो गाउँबाट कसरी विस्थापित गर्न सक्छु ?

‘कृषि बजारको बीचमा उनको घर पर्ने गरेका कारण उनलाई अन्य ठाउँमा व्यवस्थापन गरेको हो तर, संघीय र प्रदेश सांसदहरुले कसरी यस बिषयमा आवाज उठाए ?’ उनले भने–‘यो देशको संघीय सांसद र प्रदेश सांसद भन्दा राम्रो संग बुझ्ने र जान्ने हाम्रो गाउँपालिकाका वडाध्यक्षहरु छन् । यस्तै यस्तै सांसदहरुका कारण यो मुलुकको आर्थिक अवस्था दिनप्रतिदिन खस्कदै गएको छ ।’ कसैले प्रतिसोधको भावमा आएर समाचारनै लेखदियो यसको मतलय यो हुँदैन् कि सदनमा गएर कसैको चरित्र हत्या गरिदिने । आज मलाई गाउँपालिकाको अध्यक्ष भएकोमा अत्यन्तै दुःख लागेको छ । यो सांसदहरुले मेरो चरित्र हत्या गरेको छ यिनीहरु बिरुद्ध म अदालत जान्छु उनले भने ।

बिहीबारको संघीय सांसदमा बोल्ने अधिकांश सांसदहरुले सिरहा जिल्लाको औरहीका यि घटनाको बारेमा आवाज उठाएका थिए भने मधेश प्रदेश सभाका दलित सांसदहरुले आवाज उठाएका थिए ।

अध्यक्ष यादवले भने–‘आज संसदमा बोल्ने सांसदहरु मध्ये कोही पनि दीपकलाई चिन्ह छ ? चिन्दैन् । मेरो गाउँको मान्छे हो मैरै पालामा दीपक र उनका श्रीमती गाउँपालिकामा जागिर पाएका छन् । उनी आफ्ना अर्कोघरमा धेरै खुशी थिए फेरि यि कुराहरु कसरी बाहिर आयो भनेर उनले प्रश्न गरे ।

अध्यक्ष यादवले दलितको नाममा सांसद भएका र दलितको नाम भजाएर खानेहरुको बोली यस्तै हुन्छ । संसदमा बोल्नेहरु कोही एनजीओका मालिक छन् भने कोही दलितको नाममा सांसद भएका छन् तर दीपक मेरो हो यो गाउँको हो उनको सुख दुःखमा म नै साथमा हुन्छ अरु कोही हुदैन् सवै आ–आफ्ना राजनीतिक स्वार्थ सेकि रहेका छन् ।

यस घटनालाई लिएर मानव अधिकार आयोग जनकपुरधामका प्रमुख वुधनारायण सहनी सहितका मानवअधिकारबादीहरु औरही पुगेका छन् ।