परीक्षा मर्यादित बनाउने मुख्यमन्त्रीको अपरिपक्क निर्णयले विद्यार्थीलाई घाटाः जसपा नेता सुमन

न्यूज ब्यूरो, जनकपुरधाम । जनता समाजवादी पार्टी (जसपा) नेपालका नेता एवम् प्रवक्ता मनिष सुमनले मुख्यमन्त्रीको परीक्षा मर्यादित बनाउन लिएको निर्णयले विद्यार्थीलाई घाटा भएको प्रतिक्रिया दिएका छन् ।

मुख्यमन्त्री सतिश सिँहले मधेश प्रदेशभरिमा एसईई परीक्षामा केन्द्राध्यक्ष निर्धारणको लागि गोलाप्रथाबाट गरिने निर्णय गरेपछि नेपाल शिक्षक संगठन र विद्यालय सँचालकहरुले विरोध जनाएका थिए ।

मुख्यमन्त्री सिँहले परीक्षा मर्यादित बनाउनको लागि विद्यार्थीलाई टच नै नगरी केन्द्राध्यक्ष तोक्ने प्रक्रियामा नै परिवर्तन गरेका थिए । सम्बन्धित विद्यालयको हेडमास्टर नै केन्द्राध्यक्ष बन्ने प्रचलनलाई हटाएपछि परीक्षामा चिट चोरी गराउने, फ्ल्याप पुरयाउने जस्ता कार्य रोक्न गोलाप्रथाबाट केन्द्राध्यक्ष तोक्ने निर्णय गरेका थिए । जसमा केन्द्राध्यक्ष मात्र प्रधानाध्यापक नभई सोही विद्यालयका कुनै साधारण शिक्षक समेत पर्न सक्थे, तर शिक्षक संगठन, बोर्डिँग स्कूलका सँचालकहरुले मुख्यमन्त्रीको निर्णयप्रति आपत्ति जनाएपछि मधेश सरकार परीक्षा बहिष्कार गरेका छन् ।

मँगलाबर मुख्यमन्त्री सिँह र मधेश प्रदेशकी शिक्षामन्त्री रानी शर्मा तिवारीले पत्रकार सम्मेलन गरी एसईई परीक्षा मर्यादित बनाउन नचाहने संगठनहरुप्रति आपत्ति जनाउँदै मधेश सरकारले परीक्षामा कुनै पनि अनुमगन नगर्ने निर्णय गरेको हो ।

सोही निर्णयप्रति जसपाका नेता मनिष सुमनले प्रतिक्रिया दिँदै मुख्यमन्त्रीको निर्णय अपरिपक्क रहेको बताएका छन् । उनले बर्षैभरि पठनपाठनमा मतलब नराख्ने मधेश सरकारले परीक्षाको मुखमा बहिष्कारको नाटकले विद्यार्थीहरुको भविष्यमा नाकारात्मक असर पर्ने प्रतिक्रिया दिएका छन् ।

“अव्यावहारिक र स्वाथॅप्रेरित यस्ता सतही निणॅय ले मधेशका विधाथिॅहरूमा मानसिक तनाव उत्पन्न गराउनु का साथै मधेश कै शैक्षिक भविष्यलाई अन्यौल ग्रस्त गरि ठुलो शैक्षिक घाटा पनि पुयॉयो।”– उनले लेखेका छन् ।

मुख्यमन्त्रीको निर्णयलाई आम नागरिक, शिक्षाविद र शिक्षकहरुले समेत चौतर्फी प्रशँसा गरिरहेको बेला जसपाका केही नेताहरुले यसलाई विद्यार्थीको घाटा र अपरिपक्क निर्णयको सँज्ञा दिएको हो । जसपा नेपाल सरकारमा अहिले प्रतिपक्षको भूमिकामा रहेका छन् ।