धनुषाधाममा विद्युत प्राधिकरणको लागि रानी डेरीका सँचालक यादवले दिए ४० लाखको जग्गा दान

न्यूज ब्यूरो, जनकपुरधाम । नेपाल विद्युत प्राधिकरण धनुषाधाम वितरण केन्द्र सँचालनको लागि एक दाताले ४० लाखको जग्गा दान गरेका छन् ।

धनुषाधामस्थित सँचालनमा रहेको रानी डेरी उद्योगका सँचालक एवम् समाजसेवी सूर्यनाथ यादवले विद्युत प्राधिकरणको भवन निर्माणको लागि २ कठ्ठा जग्गा दान दिएका छन् ।

बजारमै जग्गा रहेकोले जग्गाको मूल्य करिब ४० लाख रुपैयाँ रहेको जनाइएको छ । धनुषाधाम नगरपालिका वडा नम्बर ३ बस्ने यादवले सो जग्गा दान दिएका छन् ।
।
सोमबार विद्युत प्राधिकरण धनुषाधाम वितरण केन्द्रको नाममा जग्गा नामसारी गरि दिएको छ । स्थानीयवासीका अनुसार सो जग्गाको मूल्य करिब ४० लाख रहेको छ ।

जग्गा दान गर्ने यादवलाई नेपाल विद्युत प्राधिकरण धनुषाधाम वितरण केन्द्रका कार्यालय प्रमुख ई. रोशन सिंहले सम्मान गरेका थिए ।

जग्गा उपलब्ध भए पछि नेपाल विद्युत प्राधिकरण धनुषाधाम वितरण केन्द्रको भवन चाँडै भन्ने बिश्वास लिएको वितरण केन्द्र प्रमुख सिंहले जानकारी गराएका छन् । अहिले भाडाको घरमा वितरण केन्द्र संचालन भईरहेको छ ।