जनकपुरको राराब कलेजमा दुई शिक्षकबीच पिटापिट

न्यूज ब्यूरो, जनकपुरधाम । जनकपुरधामस्थित रामस्वरुप रामसागर बहुमुखी (राराब) क्याम्पसमै कर्मचारीहरुबीच पिटापिट भएको छ ।

त्रिभुवन विश्वविद्यालयले जारी राखेको एमबीएसको परीक्षाको जिम्मेबारी हेरफेरको विषयमा विवाद चर्केपछि क्याम्पसका कर्मचारीद्वय महेश यादव र सुरेन्द्र यादव आपसमा कुटाकुट गरेका हुन् ।

एमबीएस शाखाका प्रमुख अभिराम रायले सिट प्लान सम्बन्धी छलफल गर्न क्याम्पस प्रमुख बसन्त कर्णलाई भेट्न गएका थिए । क्याम्पस प्रमुखले रायलाई परीक्षाको जिम्मेवारीबाट रायलाई हटाउन खोजेपछि विवाद सुरु भएको जनाइएको छ ।

कर्मचारीहरु कुटाकुटमा उत्रेपछि त्यहाँ ठूलो भिड जम्मा भएको थियो । प्रहरी त्यहाँ पुगेर अवस्था साम्य पारेका छन् । विवाद मिलाउन दुबै पक्षलाई जिल्ला प्रहरी कार्यालयमा विवाद टुगिँएको बताईएको छ ।