NPL मा जनकपुर बोल्टसका समर्थकहरुमाथि आक्रमण गर्ने दुई युवक पक्राउ, अन्यको खोजी हुँदै

न्यूज ब्यूरो, जनकपुरधाम । नेपाल प्रिमियर लिगको अन्तिम खेलमा जनकपुर बोल्टसका समर्थकमाथि आक्रमण गर्ने दुई जनालाई प्रहरीले पक्राउ गरेको छ ।

शनिबार सुदुरपश्चिम रोयल्स र जनकपुर बोल्टसबीचको अन्तिम खेलमा जनकपुर बोल्टस जितेपछि सुदुरपश्चिमका समर्थक रहेका डोटी जिल्लाका २१ बर्षिय अशोक साउद र गणेश साउदलाई किर्तिपुर प्रहरीले पक्राउ गरेको छ । उनीहरुलाई आईतबार नै किर्तिपुरबाटै पक्राउ गरी अनुसन्धान प्रक्रिया अघि बढाइएको प्रहरीले जनाएको छ ।

शनिबारको अन्मित खेल सकिएपछि सुदुरपश्चिका केही उच्छृँगल र अराजक फ्यानहरुले मधेशी समुदायका युवकहरुमाथि सम्प्रादायिक तवरले आक्रमण गरेको थियो । यो घटनामा अन्य जनाको भिडियो समेत सार्वजनिक भएको छ । उनीहरुको खोजी कार्य जारी रहेको प्रहरीले जनाएको छ ।