धनुषा सिरहा जोडने कमला नदीमा नगरपालिकाले बनाइदिए अस्याथी पुल, मोसालाई २० रुपैयाँ

न्यूज ब्यूरो, जनकपुरधाम । धनुषा र सिरहा जिल्ला जोडने कमला नदीमा सिरहा नगरपालिका वडा नं. ६ ले अस्थायी पूल निर्माण गरेको छ ।

कमला नदीको बहुप्रतिक्षित पूल भत्केपछि नदी पार गर्न आवतजावतमा समस्या आउन थालेपछि सिरहा नगरपालिका वडा नम्बर ६ का वडाध्यक्ष ईन्द्रजीत यादवले नगरपालिकाको तर्फबाट पुल निर्माण गरिदिएको छ ।

नदी पार गर्नको लागि पैदल यात्रु र साईकललाई कुनै शुल्क लाग्ने छैन भने मोटरसाईकललाई २० रुपैयाँ शुल्क तोकिएको हो । २० रुपैयाँमा आवत र जावत दुवै तर्फबाट लागू हुने वडाध्यक्ष यादवले जानकारी दिए ।

न्यूज ब्यूरोसँगको कुराकानीमा वडाध्यक्ष यादवले पुलको दुवै तर्फ नगरपालिकाबाट कर्मचारी खटाइएको जनाए । उनले मोटरसाईकल वापत लिइने शुल्क कुनै व्यक्तिको नभई नगरपालिकालाई राजस्व जाने बताए । त्यसको लागि नगरपालिकाको राजस्व बिल नै दिइने वडाध्यक्ष यादवले थपे ।

यसअघि व्यक्तिगत रुपमा पुल निर्माण गरी लाखौँ रुपैयाँ असुल्दै आएका केही स्थानीयहरुलाई सार्वजनिक सम्पतिमा रजाई गर्नबाट वडाध्यक्ष यादवले रोकेको हो । सरकारी शुल्क अनुसार रकम लिएर सबै रकम सरकारलाई जाने उनले बताए । सोही राजस्वबाट पुनः पुल मर्मत सम्भारसमेत गरिने वडाध्यक्ष यादवले बताए ।

सिरहा नगरपालिकाका प्रमुख प्रशासकीय अधिकृत बलिराम यादवले पुल निर्माणको लागि प्रक्रिया मिलाएको वडाध्यक्षले बताए । अधिकृत यादवले सर्वसाधारणलाई आवतजावतमा समस्या उत्पन्न भएपछि पुल निर्माणको लागि प्रस्ताव गरिएको बताए ।

वडाध्यक्षको यस कार्यलाई चौतर्फी प्रशँसा गरिएको छ । विगतका बर्षहरुदेखि नै नगरपालिकाले अधिनश्थमा लिएर राजस्व उठाउन सक्ने सयौँ सल्लाह सुझाव दिँदै आएको थियो । तर, त्यहाँका केही स्थानीयहरुले व्यक्तिगत फाईदाको लागि नगरपालिकाले निर्माण गर्ने पूललाई रातारात भत्काईदिने, बगाईदिने कार्य गर्दै आएको छ ।

वडाध्यक्ष यादवले नगर प्रमुख डा. नविन कुमार यादवसँग समन्वय गरी नगरपालिकालाई राजस्व जाने र सोही रकमबाट मर्मत सम्भार तथा थप पुल थप्ने तयारी गरिएको बताए ।