धनुषाको ललियामा संकटमोचन हनुमानको प्राणप्रतिष्ठा

न्यूज ब्यूरो, जनकपुरधाम । धनुषाको मिथिला बिहारी नगरपालिका वडा नम्बर ५ ललिया टोलमा नव निर्मित संकटमोचन हनुमान मन्दिरमा हनुमानको मुर्ति स्थापना गरि प्राणप्रतिष्ठा गरिएको छ ।

हनुमान जयन्तीको अवसर नव निर्मित संकटमोचन हनुमान मन्दिरको समुदघाटन तथा हनुमानको मुर्ति स्थापना गरि प्राणप्रतिष्ठा गरिएको हो ।

प्राणप्रतिष्ठा कार्यक्रममा ललिया गाउँ हिन्दु धर्मावलम्बी , समाजसेवि, बुद्धिजीवी , हनुमान आराधना मिथिला बिहारी(५ ललिया शाखाका सदस्यहरुको समेत उपस्थित रहेको थियो ।

नव निर्मित हनुमान मन्दिरको समुदघाटन तथा मुर्ति प्राणप्रतिष्ठा मिथिला बिहारी नगरपालिका वडा नम्बर ५ का वडा अध्यक्ष सुरेन्द्र कुमार मण्डलले गरेका थिए ।

वडा अध्यक्ष मण्डलले आफ्नो निजि लगानीमा हनुमान प्रतिमा किनेर प्राणप्रतिष्ठा गराएका हुन ।