जानकी मन्दिरमा आज कोजाग्रत पूर्णिमा मनाईँदै

न्यूज ब्यूरो, जनकपुरधाम । विश्वप्रसिद्ध जानकी मन्दिरमा आज कोजाग्रत पूर्णिमा विधिवत मनाईदैछ ।

दुई दिवसीय कोजाग्रत पूर्णिमा अन्तर्गत जानकी मन्दिरमा आज विहिबार कोजाग्रत पर्व मनाउन लागिएको हो ।

मुख्यत नवविवाहित पुरुष र महिलाका लागि कोजाग्रत पूर्णिमाको विशिष्ट महत्व महत्व रहेको छ । दुल्ही पक्षबाट दुल्हा पक्षको घरमा भार पठाउने परम्पार छ । त्यसपछि बेहुलाको चुमाओन गरी भोजभतेरको आयोजन समेत गरिने चलन रहेको छ । मैथिल संस्कृतिमा कोजागरालाई निर्मल, धवल एवम् शीतल रातीकारूपमा प्रसिद्ध मानिने गरिन्छ ।

कोजाग्रतका राती भगवती श्रीलक्ष्मीले स्वयम् निरीक्षण गर्ने र रातीमा जाग्राम बस्नेलाई भगवतीले धनधान्यले पूर्ण गर्छिन् भन्ने धार्मिकविश्वास रहेको छ । सो पर्वमा घरको आँगनमा अष्टदल अरिपन समेत दिइन्छ । अरिपन माथि डालासहितका सामग्री राखिन्छ भने विशेष मन्त्र उच्चारण गर्दै दुर्वा अक्षत दिइने गरिन्छ । भोजभतेरपछि पान र मखान बाड्ने गरिन्छ ।

गृहस्थ परिवारमा कोजाग्रस्त बुधबार मनाइए पनि जनकपुरधामको प्रसिद्ध जानकी मन्दिरमा कोजाग्रत आज मनाईदैछ ।