बोकाबलीको रसिद ४/५ ठाउँमा काटिन्छ, हत्तारमा अन्तिम ठेलीको रसिद काटियोः पूर्वअध्यक्ष चौधरी

न्यूज ब्यूरो, जनकपुरधाम । जनकपुरको राजदेवी मन्दिरमा प्रत्येक बर्ष हुने बोकाबलीको रसिद सिरियल नम्बरलाई लिएर अहिले विवाद चुलिएको छ ।

गुठी सँस्थान, महावीर युवा कमिटि र राम युवा कमिटिले सँयुक्त रुपमा काट्दै आएको बोकाबलीको रसिदको अन्तिम ठेली काट्दा विवाद भएको दाबी गरिएको छ । समाजिक सँजालमा एउटै सिरियल नम्बरको दुई रसिद भेटिएपपछि विवाद चुलिएको हो ।

सो क्रममा राम युवा कमिटिका भूतपूर्व अध्यक्ष प्रमोद चौधरीले रसिद काट्नमा कमिटिको तर्फबाट कमजोरी भएको स्वीकारेका छन् । उनले प्रत्येक बर्ष १८ हजार ठेली छापिँदै आएको बताए ।

उनले भने, –“प्रत्येक बर्ष १८ हजार रसिद छापिन्छ , यो सबैको मुचुल्का सहमतिमा छापिन्छ । बोकाबलीको रसिद ४/५ ठाउँमा काटिन्छ । कोही गुठी सँस्थानमा, कोही राम युवा कमिटिमा, कोही महावीर युवा कमिटिमा, कोही सौतिनिया इनार नजिक बसेर काटदै आएको छ । नागरिकको सुविधाको लागि ४/५ वटा काउण्टर राखिएको हुन्छ । यसमा अन्तिम ठेली हतारमा दिएपछि सिरियल नम्बरको विवाद भएको छ । तर, यो विवाद होईन, सृजना गरिएको कृतिम विवाद हो ।”

यस सन्दर्भमा महावीर युवा कमिटिका पूर्व अध्यक्ष धर्मेन्द्र साहले जनकपुरका केही क्लब, व्यक्तिहरु, जातीय सँकिर्णता प्रदर्शन गरेको आरोप लगाए । केही तत्वहरुले महावीर युवा कमिटी र राम युवा कमिटिलाई बदनाम गर्ने प्रयास गरेको साहले बताए ।

उनले प्रत्येक ठेलीमा १–१०० सम्म हुने गरेको छ । १८ हजार रसिदको लागि १८० ठेली छापिएको थियो । कोषाध्यक्षले हत्तारमा कुनै एक काउण्टरलाई अन्तिम ठेली दिँदा अन्तिम ठेलीबाट रसिद काटिँदा १७९४४ को रसिद समजिक सँजालमा राखिएको दाबी गरे ।

चौधरीले कुल बोकाबली १५००४ र रसिद नम्बर १७९४४ कसरी भयो भने सन्दर्भमा अन्तिम ठेलीबाट रसिद काटिएपनि काटिएको रसिद मात्रै गन्ती हुने र बाँकीको ३ हजार रसिदको मुचुल्का उठेर राखिने बताए । प्रत्येक बर्ष समिति, आयोजक, गुठी सँस्थान, जिल्ला प्रशासन कार्यालयको प्रतिनीधि, प्रहरीको प्रतिनीधिको सँयुक्त मुचुल्का उठ्ने गरेको बताउँदै यसमा विवादको कुनै तुक नरहेको बताए ।

उनले एउटै सिरियल नम्बरको दुई रसिदको सन्दर्भमा कि त सिरियल छाप्ने मेसिनको गडवडीले दुई रसिदमा एउटै सिरियल छापिएको हुन सक्ने वा कसैले त्यसलाई कलर फोटोकापी गरेर बदनाम गर्न खोजेको आरोप लगाए । समाजिक सँजालमा राखिएको रसिदको सिरियल नम्बर एउटै भएपनि छपाईको रसिदको कलर (रँग) र फन्ट (अक्षरको साईज) भने सानो ठुलो देखिएको छ । यसले कसैले बदनाम गर्न खोजेको हुन सक्ने आरोप छ ।

उनले अहिले सबै जना व्यवस्थापनको क्रममा थकान भोगेकोले आरामपछि सबै कुराको छानबिन हुने जनाए । आम नागरिकको पैसा कसैले दुरुपयोग गर्न नपाउने उनले दाबी गरे ।

अन्तिम ठेलीबाट रसिद काटिएको हुनाले बाँकीको ३ वटा ठेली त्यतिकै सुरक्षित भएको जनाउँदै जिल्ला प्रशासन कार्यालय, जिल्ला प्रहरी कार्यालय, गुठी सँस्थानको रोहबरमा मुचुल्का उठेर मात्र बाँकीको रसिद प्याक हुने चौधरीले बताए । काटिएको सबै रसिदको हरहिसाब मिलान भएपछि मात्रै मुचुल्का उठाएर टुँगो लगाउने गरिएको उनले थपे ।

समाजिक सँजालमा छ्यापछ्यापी राखिएको दुई रसिदको एउटै सिरियल नम्बर भएपनि अक्षरको आकार प्रकारमा भिन्नता देखिएको छ । जसले कसैले बदनाम गर्न षडयन्त्र गरेको हुन सक्ने आरोप छ ।