'मैथिली ब्राह्मण महासभा' नगराईन नगरपालिकाको नगर समिति गठन , सचिवमा चौधरी

न्यूज ब्यूरो, जनकपुरधाम । दक्षिणी धनुषाको नगराईनमा सत्यनारायण भगवान पूजाको लागि समिति गठन गरिएको छ ।

हरेक महिनाको प्रत्येक शनिबार भव्य रुपमा सत्यनारायण भगवान पूजनको लागि सो टोलका भद्रभलादमी युवाहरुले एक समिति गठन गरेको हो । पूजा व्यवस्थापनको लागि सो समिति गठन गरिएको जनाईएको छ ।

बुधबार गठन भएको समितिको अध्यक्षमा लगनदेव झा, उपाध्यक्षमा बिग्नेश चौधरी र सचिवमा सिद्धार्थ चौधरीलाई चयन गरिएको हो । यस्तै, समितिको सहसचिवमा बिजेन्द्र झा र कोषाध्यक्षमा नरेन्द्र ठाकुरलाई चयन गरिएको हो ।

यस्तै, सदस्यहरुमा रेखा देवी चौधरी, सँजीत चौधरी, सीता देवी ठाकुर, रमानाथ झा, अमोदा नन्द झा, मोदनारायाण झा, वेदानन्द झा, अशोक मिश्र र हिरा देवी झालाई सर्व सहमतिले चयन गरिएको हो ।

समितिको निर्णयबाट महिला समिति समेत यथाशिघ्र गठन गर्ने निर्णय गरिएको हो । महासभाका केन्द्रीय अध्यक्ष ई. भगवान झाको विशेष उपस्थितिमा सो समिति गठन गरिएको हो ।