जनकपुरः श्रीमानसँग अस्पताल गएकी युवति अस्पतालबाटै बेपत्ता !

न्यूज ब्यूरो, जनकपुरधाम । जनकपुरमा बच्चाको उपचारको लागि अस्पताल गएकी एक युवति अस्पतालबाटै बेपत्ता भएकी छन् ।

धनुषाको जनकनन्दिनी गाउँपालिका वडा नम्बर ६ कठाल बस्ने उमेश कुमार यादवकी अन्दाजी २४ बर्षिय श्रीमति अन्जना कुमारी यादव अस्पतालबाटै बेपत्ता भएको हो ।

जनकपुर शहरमा समेत घर भएकी अन्जनालाई पटक पटक उनको श्रीमान कुटपिट गर्दै आएको आरोप परिवारजनको छ ।

धनुषाको धनौजी गाउँपालिका वडा नम्बर ५ बहुअर्बा बस्ने अन्जना कुमारी यादव गत मँगलबार बच्चाको उपचारको लागि जनकपुर प्रादेशिक अस्पताल तर्फ गएको बताईएको छ ।

उपचारको लागि श्रीमान उमेशसँगै गएकी अन्जना जनकपुरबाटै बेपत्ता भएको श्रीमान उमेशको भनाई छ । श्रीमानसँग गएकी युवति कसरी बेपत्ता भयो भन्दै प्रहरीले शंकाको घेरामा राखेर अनुसन्धान सुरु गरेको छ ।

प्रहरी चौकी बहुअर्बामा युवतिको माईती पक्षले खोजतलासको लागि निवेदन दिएपछि घटना बाहिर आएको हो । माईत पक्षलाई उनको श्रीमान र देवरमाथि शंका गरेको हो । उनीहरुले नै छोरीलाई बेपत्ता पारिदिएको हुन सक्ने भनेर शंका गर्दै प्रहरीमा उजुरी दिएको हो ।

जानकारी अनुसार, अन्जना आफ्नो सासुरबाट रक्षाबन्धनमै आफ्नो माईती गएकी थिईन् । माईतीमा बच्चाको स्वास्थ्य खराब भएको भन्दै एक्लै जनकपुर उपचारको लािग आएकी थिईन् । त्यहाँबाट श्रीमानले जानकारी पाएपछिसँगै गएको बुझिएको छ ।

बच्चाको उपचारपछि औषधी किन्नको लागि अन्जना एक्लै गएको बताईन्छ । आरोप लगाईएका देबर मुकेश यादवका अनुसार, बच्चालाई दाईको काँखमा राखेर आफू औषधी, फेसवास र सिन्दुर किन्न जाँदैछु भनेर गएपछि उनी फिर्ता आईनन् । त्यसपछि उनको परिवारजनले उल्टै हामीमाथि जाहेरी दिएको देखियो ।

आफूहरुले समेत उनलाई खोजतलासको लागि प्रहरीमा उजुरी गरेको यादवले बताए । पर पुरुषसँग सम्बन्ध रहेको सन्दर्भमा मुकेशले अनभिज्ञता प्रकट गरे ।

अन्जना अझै फेला परेकी छैनन् भने उनको खोज तलास प्रहरीले सुरु गरेको छ ।

यता, अन्जनाको ससुरा पक्षले पटक पटक मोबाईलमा पर पुरुषसँग कुराकानी गरेको समातेको बताईन्छ । अन्जना कोही अरुसँग पल्केको कुरा उनको श्रीमानले थाहा पाएको बताईन्छ ।

अन्जना आफैँ कतै भागेको वा श्रीमानले बेपत्ता पारिदिएको बारे प्रहरीले अनुसन्धान सुरु गरेको हो ।