मधेशमा जनताको कुरा सुन्ने पहिलो मुख्यमन्त्री 'सतिश कुमार सिँह'

न्यूज ब्यूरो, जनकपुरधाम । देशमा राज्यको पूर्नसंचरनापछि बनेको ७ प्रदेशमध्ये मधेश प्रदेश (प्रदेश नं.२) अहिलेसम्म बदनामीको धब्बा लगाउँदै आएका विभिन्न मुख्यमन्त्रीहरुमध्ये जनताको कुरा सुनिदिने र कार्यन्वयन गरिदिने पहिलो मुख्यमन्त्री हुन सतिश कुमार सिँह ।

डा. सिके राउत नेतृत्वको जनमत पार्टीबाट मधेश प्रदेशको तेस्रो मुख्यमन्त्रीको रुपमा गद्दी सम्हालेका सतिश कुमार सिँह जनताको भावना बमोजिम काम गर्ने पहिलो मुख्यमन्त्रीको रुपमा देखिएका छन् । विभिन्न राजनीतिक दलको गठबन्धनले बनेको वर्तमान प्रदेश सरकारको नेतृत्व गरेका मुख्यमन्त्री सिँहले जनमत पार्टीको जनताराजको परिकल्पनालाई साकार पार्ने प्रयासरत छन् ।

संघयि सरकारको सत्ता समीकरणको संरचना अन्तर्गत नेकपा एमाले , नेपाली कांग्रेस , लोकतान्त्रिक समाजवादी पार्टीसँगको साझेदारीको घरातलमा गठन र निरन्तरता पाएका मुख्यमन्त्री सिंहको कार्य शैली , निर्णय र अन्य क्रियाकलापले यसअघिका मुख्यमन्त्रीहरुको तुलनामा सराहना गरिएको छ ।

यसअघि उपेन्द्र यादव नेतृत्वको जनता समाजवादी पार्टी (जसपा) नेपाल नेतृत्वको सरकारले गरेको विभिन्न कर्मकाण्ठहरुले बदनाम भएको मधेश प्रदेश सरकारलाई बदनामीको धब्बा सफाई गर्न मुख्यमन्त्री सतिश कुमार सिँह लागिपरेका छन् ।

आर्थिक बर्ष २०८१/०८२ को नीति तथा कार्यक्रम, योजनाहरु, योजनाको हैसियत, योजनाको बाँडफाँडको हिसाबले विगत ७ बर्षदेखि गर्न नसकेको कार्यहरुलाई वर्तमान सरकारले जनताको मनोभावलाई समेटने प्रयास गरेको छ । वर्तमान सरकारले ल्याएको योजनाहरु मधेश प्रदेशको आम नागरिकको पूर्णतः हितमा सार्वजनिक गरिएको छ ।

वातावरणीय प्रभाव न्यूनिकरणदेखि लिएर आम नागरिकको घरसम्म पुग्ने गरी, विकासको आभाष हुने गरी ल्याएको योजनाहरु पूर्णतः ईमान्दारिका साथ लागू गर्न खोजेपछि जनमत पार्टीको केही नेता कार्यकर्ताहरुले असन्तुष्टि जनाउन थालेका छन् । जातीय मानसिकता बोकेका जनमत पार्टीका केही नेता कार्यकर्ताहरुले योजना हान्ने दाउमा रहेको बेला मुख्यमन्त्री सिँहले नियम, कानुन र निष्ठाले योजना सँचालन हुने भनेपछि उनीहरुले आफ्नै पार्टीका मुख्यमन्त्रीप्रति आक्रोसित भएका छन् ।

स्वार्थमा डुब्दै गएका जनमत पार्टीका केही कार्यकर्ताहरुले नै मुख्यमन्त्री सिँहको विरुद्ध षडयन्त्र सुरु गरिसकेको बताईन्छ । जातको हिसाबले मुख्यमन्त्री पाउनुपर्ने मानसिकता बोकेका नेता कार्यकर्ताहरुले मुख्यमन्त्री सिँहलाई असफल बनाउने प्रयास अझै जारी राखेका छन् ।

केही दिन अगाडी गरिएको मन्त्रीमण्डल विस्तारको चर्को आलोचना भएपछि जसपा नेतृत्वको विद्यार्थीहरुले आन्दोलन गरेपछि उनको समस्या यथाशिघ्र समाधान गर्ने पहिलो मुख्यमन्त्रीको रुपमा सिँह देखिएका छन् । यसअघिको मुख्यमन्त्री, सरकारले विभिन्न आन्दोलनलाई वेवास्ता गर्र्दै आएकोमा सानो आन्दोलनले मन्त्रीमण्डलमा समावेश राज्यमन्त्रीहरुलाई हटाएर उनले जनता राजको परिकल्पनालाई टेवा दिए ।

प्रदेश सँचालनको लागि आवश्यक मन्त्रीमण्डल विस्तारमा समेत उनले कुनै दललाई निराश पारेनन् । बहुमत नभएको कारणले बनेको गठबन्धनको सरकारको कारण मुख्यमन्त्री सिँहलाई काम गर्न सकस भएकै हो ।