जनकपुरः पोखरीमा डुबेर २ बालिकाको मृत्यु !

न्यूज ब्यूरो, जनकपुरधाम । धनुषामा पोखरीमा डुबेर दुई बालिकाको मृत्यु भएको छ ।

धनुषाको मिथिला बिहारी नगरपालिका वडा नम्बर ९ नयाँ टोल कटरैत रहेको नदीमा डुबेर अन्दाजी १० बर्षिय दुई बालिकाको मृत्यु भएको हो ।

मृत्यु हुनेमा स्थानीय नथुनी यादवकी छोरी स्मृति कुमारी यादव र दिनेश यादवकी छोरी संध्या कुमारी यादब रहेको हो ।

स्थानीयका अनुसार, संध्या कुमारी यादव घर लक्ष्मिनिया गाउँपालिका रहेको उनी मामाको घरमा बस्दै आईरहेकी थिईन् ।

बालिकाहरुको शव पोस्टमार्टमको लागि प्रादेशिक अस्पताल जनकपुरमा राखिएको र घटना विषयमा थप अनुसन्धान गरिरहेको ईलाका प्रहरी कार्यालय तारापट्टीले जनाएको छ ।

घाँसको बोरा र कपडा नदिको छेउमै रहेको नदिमा बाँध बाधेको कारणले पानीको गहिराइको अन्दाज नहुँदा नुहाउन पसेका बालिकाहरुले ज्यान गुमाउन पुगेको स्थानीयको भनाइ छ ।