१४ बर्षदेखि धनुषा प्रहरीमै अड्डा जमाएका एसपीका ड्राईभर 'आजाद यादव' फालिए

न्यूज ब्यूरो, जनकपुरधाम । विगत १४ बर्षदेखि जिल्ला प्रहरी कार्यालय धनुषामै अड्डा जमाएर बसेका प्रहरी ड्राईभर आजाद प्रसाद यादव ड्राईभरबाट फालिएका छन् ।

यसअघि एसपीहरुको विश्वासपात्रको रुपमा मानिदै आएका आजाद प्रसाद यादवलाई वर्तमान प्रहरी उपरीक्षक (एसपी) भुवनेश्वर तिवारीले उनलाई सवारी चालकबाट हटाएका छन् ।

विभिन्न सँचारमाध्यमहरुमा उनको कर्ततुहरुको बारेमा समाचार प्रकाशित भएपछि एसपी तिवारीले उनलाई सवारी चालक पदबाट फालेका हुन् । अझै जिल्ला प्रहरी कार्यालय धनुषाभित्रै उनलाई राखिएको छ ।

यसअघि सीमासम्म नपुगेपनि मान्छे पठाएर असुली गर्दै आएका आजाद प्रसाद यादवलाई ड्राइभरबाट समेत हटाईएपछि उनलाई तनाव भएको छ ।

विगतका एसपीहरुको विश्वासपात्रको रुपमा चिनिएका आजाद प्रसाद यादव बोर्डरबाट धनुषा प्रहरीको मिलोमत्तोमा हुँदै आएको तस्करी यादवले असुली धन्दा गर्दै आएको बताईन्छ । नाम नखोल्ने शर्तमा एक पुराना तस्करले आजाद प्रसाद यादवको असुली बारे बताए ।

उनले अहिले मान्छे पठाउन छाडेको बताएपछि उनले यसअघि मान्छे पठाएर असुली गर्दै आएको बुझिन्छ । उनले बोक्ने विभिन्न नम्बरको मोबाईलको कल डिटेल्स चेकजाँच गरे तस्करहरुसँगको सम्बन्ध छत्ताछुल्ल हुने एक व्यापारीले बताए ।

यसअघि नै धनुषाका नयाँ एसपी भुवनेश्वर तिवारीले उनीविरुद्ध समाचारहरु आएपछि उनलाई कारवाही गर्ने बताएका थिए । कारवाही स्वरुप उनलाई ड्राईभरबाट हटाईएको हो ।