जनकपुरदेखि साघारासम्मको हुलाकी सडक ७ दिनमा खाली गर्न सूचना, अझै हटाइन समाग्रीहरु

न्यूज ब्यूरो, जनकपुरधाम । जनकपुरदेखि कमला नदीसम्मको हुलाकी सडक ७ दिनभित्र खाली गर्न सूचना जारी गरिएपनि अझै निर्माण समाग्रीहरु सडकमै राखिएको छ ।

गत जेठ ९ गते नै हुलाकी राजमार्ग निर्देशनालयले एक सूचना जारी गर्दै ७ दिनको समय दिएको भएपनि अझै खाली गरिएको छैनन् । खाली नगरेपछि हुलाकी राजमार्ग आयोजनाले आफ्नै डोजर लगाएर खाली गर्ने बताएको हो ।

जनकपुरदेखि कमला नगरपालिकाको साघारासम्म रहेको हुलाकी राजमार्ग अन्तर्गत थप कामहरु भईरहेको र सोमा बाधा अवरोध सृजना भएको भन्दै निर्देशनालयले सूचना जारी गरेको हो ।

जनकपुरदेखि कपिलेश्वर, देउरी, परवाहा, औरही, जोगियारा, तिनकोरिया, एकराही, सराबे, माचि झिटकैया, लगमा, साघारासम्मको सडकमै राखिएको समानहरु हटाउन सूचना काटिएको हो । सो अवधिभित्र खाली नगरेको खण्डमा आफ्नै डोजर चलाएर हटाउने तथा त्यसको खर्च समानधारी व्यक्तिसँग असुली गर्ने चेतावनी समेत दिएको हो ।

६५ फिट चौडाई भएको सडकको दुवै पेटीमा जथाभावी निर्माण समाग्रीहरु राखेपछि सडक साँगुरो भएको छ । जसको कारण दुर्घटना समेत हुन थालेको छ भने सवारी आवत जावतमा समेत समस्या भएको छ ।