नयाँ सरकारको कसरत

मधेशमा जनमत नेतृत्वको सरकार बन्ने सम्भावना प्रवल, काँग्रेस जातीय भावनामा केन्द्रीत

२०८१ जेठ २ बुधबार
बिहान १०:१३ बजे
न्यूज ब्यूरो, डेस्क

न्यूज ब्यूरो, जनकपुरधाम । मधेश प्रदेशमा जनमत पार्टीको नेतृत्वका सरकार बन्ने सम्भावना प्रवल देखिएको छ ।  वर्तमान जसपा नेपाल नेतृत्वको सरकार हटाउन समर्थन फिर्ता लिएको नेकपा एमाले र माओवादी केन्द्र सहितको सम्भावना कमजोर देखिदै गएको छ । 

लोकतान्त्रिक समाजवादी पार्टी (लोसपा) ले एमाले र माओवादी सहितको गठबन्धनमा नरहेको प्रष्ट गरेसँगै सम्भावना कमजोर भएको छ । जनमत पार्टीले मधेश प्रदेशमा आफ् नो नेतृत्वमा सरकार बन्नु पर्ने ‘बटमलाइन’ छाडेको छैन् । जनमत संसदीय दलका नेता महेश प्रसाद यादवले विगतमा भएको सहमति अनुसार पनि मधेश प्रदेशमा सरकारको नेतृत्व जनमतले गर्न पाउनु पर्ने बताएका छन् । 

जनता समाजवादी पार्टी (जसपा) नेपाल बाहेकको नेतृत्वमा सरकार गठनबारे चरणबद्ध रुपमा विभिन्न दलहरुसित छलफल चलिरहेको उनले बताए । ‘मधेश प्रदेशका अधिकांश सांसद र दलका नेताहरु काठमाण्डुमा नै रहेकाले यहीँ छलफल हुनेछ’ उनले भने–‘सरकार गठनका लागि शीर्ष नेताको सुझाव समेत अनिवार्य भएकाले काठमाण्डु आइपुगेको छु ।’ 

लोसपा मधेश प्रदेशका अध्यक्ष समेत रहेका सभासद जितेन्द्र सोनलले मधेशी दलको नेतृत्वमा नै सरकार गठनको पक्षमा रहेको बताएका छन् । ‘मधेश केन्द्रित दलको नेतृत्वमा प्रदेश सरकार गठन गर्न जसपा नेपालको भूमिका महत्वपूर्ण छ’ उनले भने–‘जसपा नेपालले उदारता देखाए मधेश प्रदेशमा मधेशवादी दलको नेतृत्वमा सरकार गठन हुने पूर्ण सम्भावना छ ।’ ‘नेकपा एमाले र माओवादी केन्द्र सहितको गठबन्धनमा नरहेको प्रष्ट गर्दै त्यस बाहेकको गठबन्धनको सरकारमा सहभागिता रहने छ’ उनले भने–‘कांग्रेस र जनमतको नेतृत्वमा सरकार गठन भए पनि आपत्ति हुने छैन् । तर अहिले सरकार सम्बन्धमा कुनै निर्णय भइनसकेको छैन् ।’

जेठ १३ गते पछि पार्टीले त्यस विषयमा निर्णयमा पुग्ने बताउँदै उनले मुख्यमन्त्री सरोज कुमार यादवलाई विश्वासको मत लिने समय ३० दिन रहेकाले त्यो भित्र नयाँ सरकार गठन हुन नसक्ने सोनलले बताए । तर लोसपा संसदीय दलका उपनेता उपेन्द्र महतो र प्रमुख सचेतक रानी शर्माले एमाले, माओवादी दलका नेताहरुसित निरन्तर छलफलमा रहेका छन् । 

नेपाली कांग्रेसले जसपा नेपाल समेतलाई समेटेर गठबन्धन सरकारको नेतृत्व गर्न प्रयासरत छ । विभिन्न समयमा दलिय भिन्नता भएपनि जातीय हिसाबले दिने विश्वासको मतलाई यसपाली समेत आत्मसात गरी नेपाली काँग्रेसबाट नेतृत्व गरेका कृष्णा यादवले जसपासँग मिलेर सरकार बनाउने प्रयासमा लागेका छन् । मुख्यमन्त्री सरोजकुमार यादवसँग कृष्णा यादवले जुगलबन्दी गर्ने सम्भावनामा छलफल गरिरहेको छ । 

दलका नेता कृष्णा यादवले नेकपा एसका अध्यक्ष माधवकुमार नेपालसित भेटेर सरकार बनाउन सहयोग मागेका छन् । जसपा नेपाल विभाजित नभए सम्म एमाले र माओवादीले सरकार बनाउन सहज छैन् । एमालेको २४, माओवादीको ९ र नेकपा एसको ७ मिले पनि सरकारका लागि चाहिने ५४ सदस्य पुग्ने छैन् । जनमतले मुख्यमन्त्री नपाए कांग्रेस नेतृत्वको सरकारलाई सघाउने सम्भावना बलियो छ ।

नेकपा एस हाल सम्म जसपा नेपालसँगै रहेको छ । तर सुदूरपश्चिममा एमालेले एसका मुख्यमन्त्री दीर्घबहादुर सोडारीलाई विश्वासको मत दिने निर्णय मंगलवार गरेको छ । मधेश प्रदेशमा एमाले, माओवादीलाई नसघाए समर्थन फिर्ता लिन सक्ने भएकाले एसको धारणा परिवर्तन हुन सक्ने बताइन्छ ।

  • 0%
  • 100%
  • 0%
  • 0%
  • 0%
  • 0%

भारतका पारुल र डिआईटी युनिभर्सिटीले नेपाली विद्यार्थीलाई ५०% स्कोलरसीपमा पढाउने

  • २०८१ जेठ २ बुधबार

न्यूज ब्यूरो, जनकपुरधाम । छिमेकी मुलुक भारतस्थित रहेको दुईवटा युनिभर्सिटीले नेपाली विद्यार्थीहरुलाई ५० प्रतिशत छात्रवृतिमा अध्ययन अध्ययापन गराउने भएको छ ।  बुधबार जनकपुरधामस्थित क्यारियर ड्रिम एजुकेशन कन्सल्टेन्सीले पत्रकार सम्मेलन गरी भारतको

पूरा पढ्नुहोस्

Bureau Menus