नेपाल रेल्वे भोलीदेखि तीनदिनको लागि बन्द हुने

न्यूज ब्यूरो, जनकपुरधाम । नेपालको एक मात्र नेपाल रेल्वे भोली आईतबारदेखि तीन दिनको लागि बन्द रहने भएको छ ।

भारतमा हुन लागेको लोकसभाको चुनावलाई मध्यनगर गर्दै भोलीदेखि मँगलबारसम्म जयनगर–जनकपुरधाम–भँगहा रेल्वे सेवा ठप्प हुने भएको छ ।

भारत बिहार राज्यको नेपालसँग रहेको मधुवनी जिल्लाको झँझारपुर संसदीय क्षेत्रमा यही सन् २०२४ मे ७ को लोकसभाको चुनाव हुने भएकोले सुरक्षा दृष्टिकोणले बन्द रहने जनाइएको छ । आज राती १२ बजेदेखि नै मँगलबारसम्म नेपाल भारत सीमा सील हुने भएपछि रेल समेत बन्द हुने भएको छ ।

नेपाल रेल्वे भँगहा, कुर्था, जनकपुरधाम, खजुरी, इनर्वा हुँदै भारतको जयनगरसम्म चल्दै आएकोले ईनर्वापछि आउने भारतको बोर्डर पर्ने भएकोले सीमा सीललाई दृष्टिगत गरी रेल सेवा बन्द हुने भएको हो ।