धनुषाधाम वनमा भिषण आगलगी, बारुण यन्त्रको अभावमा पुरै बजार जल्ने खतरा, सर्वसाधारणमा त्राहिमाम !

न्यूज ब्यूरो, जनकपुरधाम । धनुषाधामस्थित रहेको संरक्षित वनमा भिषण आगलगी भएको छ । केही बेर अगाडी मात्र लागेको आगोले २० औँ विघामा आगो फैलिएको छ ।

अहिले धनुषाधाम नगरपालिका, जनकपुरधाम उपमहागनरपालिका र गणेशमान चारनाथ नगरपालिकाको वारुण यन्त्रले आगो नियन्त्रणको प्रयास राखेपनि आगो झन फैलिँदै गएको छ ।

धनुषाधाम संरक्षित वनसँगै रहेको धनुषाधाम बजारमा समेत आगो पल्कने सम्भावना बढदै गएपछि त्राहिमामको अवस्था सृजना भएको छ । वनमा लागेको आगो तीव्र गतिमा बजार तर्फ बढीरहेकोले अन्य विभिन्न पालिकाहरु, अन्तर जिल्लाहरुबाट समेत बारुण यन्त्र पठाउन गुहार लगाएको छ ।

धनुषाधाम नगरपालिकाका मेयर बालेश्वर मण्डलले सिरहा, महोत्तरीको विभिन्न स्थानबाट बारुण यन्त्र यथाशिघ्र पठाउन गुहार लगाएका छन् । समयमै आगो नियन्त्रणमा नआए बस्ती सखाप हुने सम्भावना बढदै गएको छ ।

अहिले नेपाल प्रहरी, सशस्त्र प्रहरी र नेपाली सेनाले समेत आगो निभाउने प्रयास जारी राखेको छ ।