सर्लाहीको मलँगवास्थित राजदेवी मन्दिरसहित विभिन्न मन्दिरमा तोडफोड, हिन्दु सम्राट सेनाले गरे रोड जाम

न्यूज ब्यूरो, सर्लाही । हिन्दु धर्मावलम्बीहरुको आस्थाको केन्द्र मानिएको राजदेवी मन्दिरसहित विभिन्न मठ मन्दिरमा तोडफोड गरेको भन्दै हिन्दु सम्राट सेनाले सडक जाम गरी विरोध जनाएको छ ।

मँगलबार राती सर्लाहीको मलँगवास्थित गैर हिन्दु समुदायका व्यक्तिहरुले सुनुयोजित तवरले राजदेवी माताको मन्दिरसहित अन्य मठ मन्दिरहरुमा तोडफोड गरेको आरोपसहित प्रहरी विरुद्ध सडक जाम गरी विरोध जनाएको हो ।

मलँगवास्थित विभिन्न मठ मन्दिरहरुमा तोडफोड गरिएको पाईएपछि हिन्दु सम्राट सेनाले प्रहरी प्रशासनमाथि प्रश्न तेर्साउँदै कारवाहीको दायरामा यथाशिघ्र ल्याउन माग गरेको हो ।

मलँगवामा भएको मठ मन्दिर, देवी देवता तोडफोडको घटना समान्य नरहेको भन्दै हिन्दु सम्राट सेनाले हुलाकी राजमार्ग अन्तर्गत बलरा बरहथवा सडकखण्डमा चक्काजाम गरेको थियो । उनीहरुले बीच सडकमा टायर बालेर प्रदर्शन गरेको थियो ।