प्रचण्डको नियतिः घरको देवतालाई भोकै राखेर बाहिरीलाई पूजा !

न्यूज ब्यूरो, जनकपुरधाम । देशको प्रधानमन्त्री पुष्पकमल दाहाल प्रचण्ड आज धनुषाको कमला आउने भएपछि स्थानीयहरु उत्साहित छन् । त्यसभन्दापनि कमला छेउतर्फ धनुषा र सिरहाका वासिन्दाहरु आक्रोसित छन् ।

बर्षौदेखि कुरिरहेको हुलाकी सडक अन्तर्गतको बहुप्रतिक्षित कमला पूल अझै सँचालन नहुँदै नयाँ निर्माण भएको झोलुँगे पूलको उदघाटन गर्न आउने भएपछि प्रधानमन्त्री प्रचण्डसँग स्थानीयहरु रुष्ट छन् ।

देशकै लामो पुलमध्ये निर्माण गरिएको कमला नदीको झोलुँगे पूल उदघाटनको लागि आज (शनिबार) जनकनन्दिनी गाउँपालिका वडा नम्बर ६ कठाल पुग्ने कार्यक्रम रहेको बेला हुलाकी सडक अन्तर्गतका स्थानीयहरु भने आक्रोस पोखेका छन् ।

बर्षौदेखि निर्माणधीन अवस्थामै रहेको धनुषा सिरहादेखि मधेश जोडने कमला पूल भाँसिएको समेत दुई बर्षभएपनि अझै सुचारु हुन सकेको छैनन् । कमला पूल सुचारु नहुँदै नव निर्मित झोलुँगे पूलको उदघाटनको लागि प्रधानमन्त्री आउन थालेपछि आसपासका स्थानीयहरुले भने मनाआक्रोस पोखेका छन् ।

आज दिउँसो १२ बजे कमला नदीमा निर्माण गरिएको झोलुँगे पूलको उदघाटन र सबैलास्थित कमला नदीमै निर्माण हुने अर्को बैकल्पिक पूलको शिलान्यास गर्ने कार्यक्रम रहँदा बीचमै समान दुरीमा पर्ने बहुप्रतिक्षित कमला पूलमा नआउने भएपछि स्थानीयहरु आक्रोसित छन् ।

यता, विगत ५ दिनदेखि माओवादीका नेता कार्यकर्ताहरु सो ठाउँमा पुगेर कमला पूलमा समेत प्रधानमन्त्रीलाई प्रत्यक्ष नीरिक्षण गराउने कार्यक्रम राख्ने प्रयत्न गरिरहेको जनाईएको छ ।