रौतहटमा हिन्दु र मुस्लिम समुदायबीच झड्प , प्रशासनले लगायो कर्फ्यु, कैयौँको टाउको फुट्यो

न्यूज ब्यूरो, रौतहट । मधेश प्रदेशको रौतहट रौतहटको ईशनाथ नगरपालिका वडा नम्बर ७ घिउरा टोलमा सरस्वति पुजाको मुर्ति बिसर्जनको विषयलाई लिएर शनिबार पनि झडप भएको छ ।

मुर्ति बिसर्जनको बिसय लिएर हिन्दु र मुस्लिम समुदायका स्थानीय बिच झड्प हुन पुगेको रौतहट प्रहरीले जनाएको छ।

झड्पकै क्रममा स्थानीय संजय ठाकुरको छोरा २३ बर्षीय भोला ठाकुर भन्ने कार्तिकेश गम्भीर घाइते भएका छन् । घरको छतबाट फालिएको ढुंगाले लागेर ठाकुरको टाउको फुटेको परिवारजनले दाबी गरेका छन् ।

गम्भीर घाइते ठाकुरलाई उपचारको लागि जिल्ला अस्पताल गौर लगिएको छ। झडप कै क्रममा दुबै तर्फ दर्जनौं घाइते भएको स्थानीय युवा नेता गुलाम सरोबरले जानकारी दिएका छन् ।झडपमा घाइतेहरुको यथार्थ विवरण आईनसकेको रौतहट प्रहरीको भनाई छ।

झडप रोक्न रौतहट प्रशासन गम्भीर र शस्क्त ढंगले लागि परेको प्रहरी नायब उपरीक्षक एलिजा गिरीले जानकारी दिएकि छन् ।

थप तनाव र अप्रीय घटना हुन नदिन उत्तर रामपुरखाप बिओपी, पूर्वमा जोकहा, पश्चिममा सानो घिउरा र दक्षिणमा जयनगर चौकी सम्मको एरियामा कर्फ्यु लगाईएको डिएसपि गिरीको भनाई छन् ।

कर्फ्यु अनिश्चितकालका लागि लगाईएको र स्थिति नियन्त्रणमा लिन तथा थप अप्रीय घटना हुन नदिन हाल बाक्लो मात्रामा जनपथ र शस्त्र प्रहरी टोलीलाई परिचालन गरिएको प्रमुख जिल्ला अधिकारी हिरालाल रेग्मिले बताउनुभएका छन् ।

मुर्ति बिसर्जको विषयमा दुई दिन देखि नै ईशनाथ नपाको विभिन्न ठाउँमा तनावको अवस्था रहेको थियो।

घट्नास्थलमा प्रमुख जिल्ला अधिकारी रेग्मि सहित नेपाल प्रहरीका मधेश प्रदेश प्रमुख डिआईजी यज्ञबिनोद पोख्रेल र सशस्त्र प्रहरीको मधेश प्रदेश प्रमुख डिआईजी दिपेन्द्र श्रेष्ठ ,रौतहटको प्रहरी उपरीक्षक महेन्द्र श्रेष्ठ ,संघिय साँसद किरन साह सहित स्थानीय जनप्रतिनिधि र स्थानीय भद्रभलादमीको रोहवरमा बिबादको टुंगो लागेपनि केहि घण्टा नबित्दै पुनः दुबै समुदाय बिच बिबाद र झडप हुन थालेको रौतहट प्रहरीको भनाई छ।

घिउरा गाउँका स्थानीयले सरस्वतीको पुजा गरेर शुक्रबार नजिकको पोखरीमा मूर्ति सेलाउन लैजान लागेपछि अर्को पक्षले डिजे बाजा बजाएको भन्दै अवरोध सिर्जना गरेको थियो ।

त्यसपछि मूर्ति सेलाउन जानेहरुले बाटोमै मूर्ति राखेर बसेका थिए । शनिबार स्थानीय प्रशासनको रोहबरमा दुबै पक्षलाई राखेर साम्प्रदायिक सद्भाव कायम राख्न अनुरोध गर्दै मूर्ति सेलाउन दिने सहमति भएको थियो ।

जिल्ला प्रहरी प्रमुख एसपी महेन्द्र श्रेष्ठले सरस्तीको मूर्ति सेलाउन लैजान दिने र डिजे बाजा अर्को बाटोबाट लैजान दिने सहमति भए पनि केही उच्छृंखल व्यक्तिहरुले ढुंगामुडा गरेपछि स्थिति तनावग्रस्त बनेको बताए ।

श्रेष्ठले भने (‘अहिलले अनिश्चितकाल सम्मको लागि कर्फ्यू आदेश जारी भइसकेको छ,‘ उनले भने,‘यहाँको स्थिति अनकुल छैन । हामी स्थिति नियन्त्रणमा लिँदै दुवै पक्षलाई सम्झाउने प्रयास गरिरहेका छौँ।’

अस्ति बिहीबार पनि ईशनाथ(५ जटहरा गाउँ बाट सरस्वतीको मूर्ति लिएर डुमरिया गाउँ छेउ अडुवा नदीमा सेलाउन जाने क्रममा दिउँसो २ बजे मोतिपुर गाउँमा मुस्लिम समुदायको मानिसले अचानक ढुंगामुढा प्रहार गर्दा स्थानीय नरेश पासवानको टाउको फुटनुको साथै अन्य कैयौं लाई चोटपटक लागेको थियो।

घटनाको खबरलगत्तै रौतहट प्रहरी प्रमुख एसपी महेन्द्र कुमार श्रेष्ठको टोली घटनास्थल पुगेका थिए। पछि बिबाद साम्य भएको थियो। केही दिनअघि मात्र त्यहाँ एकैरात हनुमान मन्दिर र ब्रह्मस्थानमा आगजनी भएको थियो।

रौतहट संसदीय निर्वाचन क्षेत्र नम्बर २ अन्तर्गत दुर्गा पूजा , सरस्वती पूजा, विश्वकर्मा पूजा, महाबिरी झण्डाको विसर्जनको क्रममा बर्सेनि एकपक्षीय आक्रमण हुँदै आएको स्थानीयले बताएका छन।