सरस्वतिको मूर्ति विसर्जनमा मुस्लिम समुदायले फाले ढुँगामुढा र खुर्सानीको धुलो, कैयौँ घाईते

न्यूज ब्यूरो, रौतहट । हिन्दु धर्मावलम्बीहरुले मनाउने बसन्त पँचमी सरस्वति पूजापछि मूर्ति विसर्जनको लागि जाँदै गर्दा मुस्लिम समुदायका केही व्यक्तिहरुले आक्रमण गरेका छन् ।

रौतहटको ईशनाथ नगरपालिकामा सरस्वती पुजाको मूर्ति सेलाउन जाने क्रममा झडप हुँदा एकजना घाइते भएका छन्।

ईशनाथ वडा नम्बर ५ जटहरा गाउँबाट सरस्वतीको मूर्ति लिएर डुमरिया गाउँ छेउ अडुवा नदीमा सेलाउन जाने क्रममा मोतिपुर गाउँमा झडप हुँदा
स्थानीय नरेश पासवानको टाउको फुटेको तथा अन्य कैयौँ लाई चोटपटक लागेको रौतहट प्रहरीले जनाएको छ।

मूर्ति लिएर सेलाउन जादै गर्दा मुस्लिम समुदायका केही मानिसले ढुंगामुढा सँगै खुर्सानीको धूलो फाल्दा झडप भएको प्रत्यक्षदर्शीहरुले बताएका छन्।
घटनाको खबर लगत्तै रौतहट प्रहरी प्रमुख एसपी महेन्द्रकुमार श्रेष्ठ घटनास्थल पुगेका छन्। हाल हिन्दु समुदायका मानिसहरू मूर्ति बाटोमा राखेर धर्नामा बसेका थिए ।

एसपी श्रेष्ठ सहितको टोली घटनाको छानबिनसँगै साम्य पार्न पहल गरिरहेको त्यहाँ पुगेको जिल्ला प्रहरी प्रवक्ता डिएसपी एलिजा गिरीले बताइन । घटनास्थलमा अहिले नेपाल प्रहरी र सशस्त्र प्रहरीको बाक्लो उपस्थिति रहेको छ।

विगत केही बर्षदेखि रौतहटमा मुस्लिम समुदायका केही व्यक्तिहरुले हिन्दु धर्मावलम्बीको पूजाआजामा रोकावट गर्दै आएका छन् । धार्मिक सहिष्णुता र धार्मिक भाईचारा बिगार्दै मुस्लिम समुदायका केही व्यक्तिहरुले समाजिक सदभाव विथोल्ने प्रयास गर्दै आएको छ ।