न्यूज ब्यूरो, जलेश्वर । महोत्तरीमा भएको डकैतीको क्रममा एक बोल्न नसक्ने बालिकालाई उठाएर पालैपालो बलात्कार गरेको छ ।
महोत्तरीको सम्सी गाउँपालिका वडा नम्बर १ स्थित घरमा गत मंगलबार मध्यरातपछि लुटपाट तथा १५ वर्षीया बालिकालाई जबर्जस्ती सामूहिक बलात्कार गरेका आरोपमा तीनजनालाई महोत्तरी प्रहरीले पक्राउ गरेको छ ।
जिल्ला प्रहरी कार्यालय महोत्तरीका सूचना अधिकारी प्रहरी निरीक्षक महेन्द्र खड्काका अनुसार डाँका तथा सामूहिक बलात्कारमा संलग्न रहेका आरोपमा सम्सी गाउँपालिका २ बस्ने २० वर्षीय उवैद मोमिन, २१ वर्षीय अनवर अन्सारी र भारत बिहारका २१ वर्षीय जियाउल अन्सारी पक्राउ परेका हुन् ।
मंगलबार राति साढे १ बजेको समयमा चारजनाको समूहमा आएकाहरूले बालिकाले लगाएका आमाका गरगहना लुटपाट गरी अपहरण गर्दै घरबाट डेढ किलोमिटर पर लगेर उनलाई पालैपालो जबरजस्ती करणी गरेको प्रारम्भिक अनुसन्धानबाट खुलेको थियो ।
महोत्तरी जिल्ला अदालतबाट ७ दिनको म्याद थप गरी पक्राउ परेकाहरूलाई आवश्यक अनुसन्धानका लागि जिल्ला प्रहरी कार्यालय महोत्तरीको हिरासतमा राखिएको छ ।
घटना भएको वडाका अध्यक्ष विपिन बिहारीले विभिन्न सञ्चारमाध्यलाई जनाएअनुसार आर्थिक अवस्था कमजोर भएका कारण बालिका बोल्न नसक्ने आमा र हजुरआमासँग मामाघरमा बस्दै आएकी थिइन् । बालिकालाई खेतमा लाँदा लुटेराहरूले आमा र हजुरआमालाई घरमा थुनेका थिए ।
समय त लाग्ला तर, धैर्य राख्नु 'बुवा'
- २०८० माघ २७ शनिबार
- आकृति महतो
समय त अवश्य लाग्ला बुवा धैर्य राख्नु न पार गर्नेछु त्यो हरेक कठिनाइ हजुर को हात खुट्टामा परेको छालाको मल्हम बननु बाकि नै छ, त्यो तीतो बोलीको प्रहारलाई मिठास बनाउन बाँकी नै छ समय त अवश्य
पूरा पढ्नुहोस्
