जनकपुरधामको परिक्रमा सडकमा माछा मासु र मदिरा विक्री वितरण सधैँका लागि निषेध

न्यूज ब्यूरो, जनकपुरधाम । जनकपुरधामका मेयर मनोज कुमार साहले पहिलो पटक जनकपुरधामको धार्मिक भावनालाई कदर गर्दै कडा एक्सन लिएका छन् ।

जनकपुरधाम उपमहानगरपालिकाका नगर प्रमुख साहले मँगलबार एक सूचना जारी गर्दै परिक्रमा सडकभित्र माछा, मासु, अण्डा तथा मदिरा विक्री वितरणमा पूर्ण निषेध घोषणा गरेका छन् ।

सूचना जारी गर्दै मेयर साहले धार्मिक आस्थालाई कदर गर्न उनले प्रत्येक बर्ष उठने मिथिलाको महाकुम्भ मानिने १५ दिने माध्यमिकी परिक्रमाको धार्मिक लस्कर र धार्मिक मूल्य मान्यतालाई ध्यानमा राख्दै जनकपुरधाम उपहानगरपालिकाभित्र रहेको परिक्रमा सडक क्षेत्रभित्र माछा, मासु, अण्डा, पशुपंक्षी वध, मदिरा विक्री वितरण र सेवनमा समेत प्रतिबन्ध लगाएको हो ।

धार्मिक परिक्रमालाई मध्यनजर गर्दै जनकपुरधामको साख जोगाउनुको साथै धार्मिक धरोहरलाई संरक्षण गर्नको लागि अभियन्ता मुरली मनोहर मिश्रले पटक पटक सरोकारबालाहरुलाई यसप्रति ध्यानाकर्षण गराउँदै आएको थियो ।

मँगलबार मेयर साहले सो परिक्रमा घुम्ने परिक्रमा सडक छेउमा यस्ता क्रियाकलाप रोक्न १४ गतेदेखि नै लागू हुने गरी सूचना जारी गरेको हो । अटेरी गरेको वा कहिले पनि विक्री वितरण गरेको पाईएमा सोही नियम अनुसार सजाय हुने बताईएको छ ।