महारानीको मुकुट चोर्नेलाई हामी बक्सिदैनौँः हिन्दु सम्राट सेना साह

न्यूज ब्यूरो, जनकपुरधाम । हिन्दु सम्राट सेनाका सदस्य जमुना साहले महारानीको मुकुट चोरी गर्नेलाई क्षमा नहुने बताएका छन ।

सोमबार धनुषाको जनकपुरधाम उपमहानगरपालिकाको देवपुरा रुपैठास्थित चक्कजाम गर्दै हिन्दु सम्राट सेनाका कार्यकर्ताहरुले नगराईन नगरपालिका वडा नं. ९ घोडघासस्थित महारानीको मन्दिरबाट मुकुटसहित गरगहनाहरु चोरी भएको भन्दै प्रशासनलाई यथाशिघ्र चोर पक्राउ गरी कारवाही गर्न दबाब दिएका हुन् ।

सोमबार हिन्दु सम्राट सेनाका अध्यक्ष राजेश यादवको नेतृत्वमा सयौँ कार्यकर्ताले चक्काजाम गर्दै चोरलाई पक्राउ गरी कारवाही गर्न माग गरे । उनीहरुले कुनै अन्य धर्मका व्यक्तिले सुनुयोजित तवरले महारानी मन्दिरको मुकुटसहित गरगहना चोरी गरी लगेको जनाईएको छ ।

हिन्दु सम्राट सेनाका सदस्य जमुना साहले चक्कजामको लागि कार्यकर्ता बोलाएर टायर बाली प्रदर्शन गरे । उनले मुकुट चोरी गर्ने, अन्य गरगहनाहरु चोरी गर्नेलाई तत्कालै पक्राउ गर्नुपर्ने दबाब प्रशासनलाई दिए ।