माघ ८ गते वीरगँज महानगरभित्र माँस, मदिरा विक्री वितरणमा प्रतिबन्ध

न्यूज ब्यूरो, जनकपुरधाम । आउँदो माघ ८ गते वीरगँज महानगरपालिकाभित्र माँस मदिरा विक्री वितरण तथा सेवनमा प्रतिबन्धको घोषणा गरिएको छ ।

वीरगँज महानगरपालिकाका मेयर राजेशमान सिँहले एक सूचना जारी गर्दै माघ ८ गते अर्थात जनवरी २२ तारिखको दिन छिमेकी मुलुक भारतको अयोध्यतामा हिन्दु धर्मावलम्बीहरुको सबभन्दा ठुलो उत्सव हुन गईरहेको भन्दै सो दिन माँस मदिरा विक्री वितरणमा प्रतिबन्ध गरिएको हो ।

हिन्दु धर्मावलम्बीहरुको भगवान रामको मन्दिरमा प्राण प्रतिष्ठा हुने र सोही दिन धार्मिक नगरी भनेर चिनिन लागिएको वीरँगजको घडिअर्वा पोखरीमा समेत रामको प्राण प्रतिष्ठा हुने भएकोले सो दिन माँस, मदिरा, बध, पशुपन्छि वधमा रोक लगाईएको हो ।

सो दिन वीरगँज महानगरभित्र यस्ता कार्यहरु गरेको पाईएमा कानुनी कारवाही गर्ने चेतावनी समेत दिएको हो । माघ ८ गते वीरगँज महानगरको सदरमुकाम वीरगँज शहरभित्र यस्ता क्रियाकलाप नगर्न भनिएको हो ।