घाँस ल्याउन गएकी महिला बलात्कृत, आरोपित पुरुष फरार

न्यूज ब्यूरो, जनकपुरधाम । गाई गोरुको लागि घाँसपात ल्याउन गएकी एक महिला बलात्कृत भएको घटना बाहिरिएको छ ।

महोत्तरी जिल्लाको गौशाला नगरपालिकास्थित गौशालास्थित घाँसपात ल्याउन गएकी एक महिला बलात्कृत भएको घटना बाहिरएको हो। गौशाला नगरपालिका वडा नम्बर १ रामनगर घर भएकी एक ३५ बर्षिया महिला वलात्कारको शिकार भएको घटना बाहिरिएको हो ।

ईलाका प्रहरी कार्यालय गौशालाले दिएको जानकारी अनुसार, गत शनिवार रामनगर जंगलमा घाँस काट्न गएको समयमा सुनसान मौका छोपी स्थानिय ४३ बर्षिय विरेन्द्र यादवले बलात्कार गरेको हो ।

पिडित महिलाका परिवारले ईलाका प्रहरी कार्यालयमा घटनाको सम्बन्धमा उजुरी दिएपछि सो घटना वाहिरिएको हो । घटनापश्चात आरोपित यादव फरार रहेकोले उनको खोजविन भईरहेको प्रहरी निरीक्षक मनोज कुमार यादवले जानकारी दिए ।

यता, प्रहरीले घटनाको सम्बन्धमा सुक्ष्म तरिकाले अनुसन्धान गरिरहेको प्रहरी निरीक्षक यादवले बताएका छन् ।