उपमेयर चढने सरकारी गाडीमा लगाईदियो आगो

न्यूज ब्यूरो, जनकपुरधाम । सेतो नम्बर प्लेटको सरकारी गाडीमा अज्ञात व्यक्तिले आगो लगाईदिएको छ । महोत्तरीको एक उपमेयर चढने सरकारी गाडीमा आगो लगाईदिएको हो ।

महोत्तरीको गौशाला नगरपालिकाको उपमेयर रेणु महतो चढने गाडीमा आगजनी भएको छ । गएराति रामनगरस्थित घरको परिसरमा राखिएको प्र २ – ००२ – ०००१ झ ०००५ नम्बरको स्कारपियोमा अज्ञात व्यक्तिले आगजनी गरिएको हो ।

पार्किंग गरि राखिएको गाडीमा भएको आगलगीबाट टायर लगायतका आंशिक भागमा क्षति पुगेको हो । गाडीमा लागेको आगो देखेर तत्कालै निभाएकोले थप क्षति हुनबाट जोगिएको स्थानिय हरि महतोले जानकारी दिए ।

घटनाको सम्बन्धमा थप अनुसन्धान भईरहेको ईलाका प्रहरी कार्यालय गौशालाले जनाएको छ ।