खेति जोतिरहेका किसानमाथि खस्यो ११ हजार भोल्ट करेन्टको तार, गोरु र किसानको खेतमै मृत्यू

न्यूज ब्यूरो, रौतहट । खेत जोतिरहेको अवस्थामा एक किसानमाथि ११००० भोल्ट करेन्ट प्रवाह भएको तार खस्दा घटनास्थलमै मृत्यू भएको छ ।

शनिबार मधेश प्रदेशको रौतहट जिल्लास्थित ११ हजार भोल्टको बिजुलीको तार चुडिएर खस्दा खेत जोतिरहेका किसानको मृत्यु भएको हो । मृत्यु हुनेमा माधवनारायण नगरपालिका वडा नम्बर ७ लौकहाका ५५ वर्षीय बैजुलाल पण्डित छन् ।

जोतिरहेका बेला एक्कासी करेन्टसहितको बिजुलीको तार खस्दा किसानसँगै गोरु पनि मरेको छ ।

जिल्ला प्रहरी कार्यालय रौतहटका प्रहरी निरीक्षक झलक शर्माका अनुसार बिहान ११ः४५ बजेको समयमा खेत जोतिरहेका पण्डितमाथि ११ हजार भोल्टको तार चुडेर खसेर घटनास्थलमै मृत्यु भएको हो ।

प्रहरीका अनुसार त्यहाँ पहिलेदेखि नै बिजुली सर्ट भएर आगो बल्ने गरेको थियो । स्थानीयले विद्युत् प्राधिकरणको चरम लापरबाहीले यस्तो घटना भएको आरोप लगाएका छन् ।