न्यूज ब्यूरोमा समाचार आएपछि कमला पूलमा बबाल, पुल भत्काउन थालेपछि बटुवाहरुले गरे प्रतिकार

न्यूज ब्यूरो, जनकपुरधाम । धनुषा र सिरहा जोडने सार्वजनिक कमला नदीमा नीजि पूल बनाएर जबदरस्ती रकम असुल्दै आएका ठेकेदार अशोक मुखिया र रामसेवक दासको प्रतिकार गरिएको छ ।

मोटरसाईकल लिएर आवतजावत गर्ने बटोही (बटुवा) हरु आईरहेकै बेला सरकारी सम्पत्ति कब्जा गरी बनाएको नीजि पूल भत्काउन थालेपछि बटुवाहरुले प्रतिकार गरेका छन् । कमला पूलभन्दा दक्षिण निर्माण गरिएको दुई अस्थायी पूल भत्काउन थालेपछि बटुवाहरुले प्रतिकार गरेको हो ।

सरकारी सम्पत्ति कब्जा गरी बनाएको पूलमा प्रत्येक बटुवाबाट ५० रुपैयाँ असुल्दै अहिलेसम्म करोड रुपैयाँ बढी कमाएपनि मन लागेको बेला भत्काउन नपाउने भन्दै बटुवाहरुले प्रतिकार गरेका छन् । सरकारी जमिनमा बनाएको पूलमा सबैका हक रहेको बताउँदै एक बटुवाले पुल भत्काए राजश्व घपला र अवैद्य असुलीसहित सरकारी जमिन कब्जा गरी अवैद्य व्यापार गरेको आरोपमा मुद्दा दायर गर्ने धम्की दिएपछि झन बबाल भएको हो ।

आज बिहान न्यूज ब्यूरोमा कमलामा पैसा कमाउन ज्यान मार्ने धन्दाः सरकारी पुल भत्काएर बनाउँछन नीजी पुल, असुल्छन लाखौँ रुपैयाँ शिर्षकको समाचार प्रकाशित भएपछि पूल बनाउने अशोक मुखिया र रामसेवक दासले आफ्ना मान्छेहरु लगाएर पूल भत्काउन खोजेपछि बटुवाहरुले प्रतिकार गरेको हो । गएराती भाँसिएको कमला पक्की पूलमा भएको दुर्घटनापछि स्थानीयहरु समेत आक्रोसित बनेका छन् ।

सिरहा नगरपालिकाले निःशुल्क बनाईदिएको अस्थायी पूलमा समेत अशोक र रामसेवकका मान्छेहरुले अवैद्य असुली गर्दै दैनिक २५ देखि ३० हजार रुपैयाँ झ्वाम्म पार्दै आएका थिए । नगरपालिकालाई जानकारी भएपछि खवरदारी गर्दा अशोक मुखिया र रामसेवक दास तथा उनका समूहले नगरपालिकाले बनाएको अस्थायी पूल रातारात भत्काएर सरकारी जमिनमै आफ्नो नीजि पूल बनाएर लाखौँ अवैद्य असुली गरिरहेका छन् ।

मुखिया र दासमाथि सरकारी सम्पति हिनामिना तथा तोडफोड र चोरी आरोपमा समेत मुद्दा लाग्न सक्ने एक प्रहरी अधिकारीले जनाए । कसैले जाहेरी दिएको खण्डमा दुवै जनामाथि मुद्दा लागी बिगो असुलसहित कैद सजाय समेत हुन सक्ने नाम नखोल्ने शर्तमा एक अधिकारीले बताए ।

एक बटुवाले भने, –“एक त नगरपालिकाले निःशुल्क बनाईदिएको पुल यीनीहरुले तोडिदिए, सबै प्लाईवुडहरु चोरी गरी नीजि पूल बनाए । पैसा लिनुपरो, तर बढीमा ५ रुपैयाँ लिनुस न । एक जनासँग ५ रुपैयाँ कम हो र ? सरकारी सम्पति सबैको होईन र ? विगत दुई बर्षदेखि असुलेको करोड बढी रुपैयाँ उनीहरुले फिर्ता गर्छन् त ? दिनहुँ हजारौँ जना पूल पार गर्छन सबै जनासँग ५० रुपैयाँ लिन्छन्, जो सँग पैसा हुँदैन उनलाई थर्काउँछन्, दादागिरी गर्छन् । सार्वजनिक सम्पतिमा कब्जा गरेर यस्तो व्यापार गर्ने छुट कसैलाई छैन् । सहुलियतको लागि हामी पनि सहयोग गर्छौ तर यति होईन् । आज पूल भत्काए यीनीहरुको खयर हुँदैन । जे मन लाग्छ त्यो गर्न पाईन्छ र ?”

यता, सो सन्दर्भमा नगर प्रहरीका ईन्चार्ज विश्व बुढाथोकीसँग सम्पर्क गर्दा उनको मोबाईलमा सम्पर्क भने हुन सकेनन् । अहिले कमला पूलमा अवस्था तनावग्रस्त रहेको छ । एक तर्फ ठेकेदार र अर्को तर्फ बटुवाहरु रहेका छन् ।